| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༣. ཏེརསམཝགྒོ
13. Terasamavaggo
(༡༢༧) ༢. ཀུསལཔཊིལཱབྷཀཐཱ
(127) 2. Kusalapaṭilābhakathā
༦༥༨. ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱཏི? ཨཱམནྟཱ། ཀཔྤཊྛོ དཱནཾ དདེཡྻཱཏི? ཨཱམནྟཱ། ཧཉྩི ཀཔྤཊྛོ དཱནཾ དདེཡྻ, ནོ ཙ ཝཏ རེ ཝཏྟབྦེ – ‘‘ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱ’’ཏི།
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱཏི? ཨཱམནྟཱ། ཀཔྤཊྛོ ཙཱིཝརཾ དདེཡྻ…པེ॰… པིཎྜཔཱཏཾ དདེཡྻ…པེ॰… སེནཱསནཾ དདེཡྻ…པེ॰… གིལཱནཔཙྩཡབྷེསཛྫཔརིཀྑཱརཾ དདེཡྻ … ཁཱདནཱིཡཾ དདེཡྻ… བྷོཛནཱིཡཾ དདེཡྻ… པཱནཱིཡཾ དདེཡྻ… ཙེཏིཡཾ ཝནྡེཡྻ… ཙེཏིཡེ མཱལཾ ཨཱརོཔེཡྻ… གནྡྷཾ ཨཱརོཔེཡྻ… ཝིལེཔནཾ ཨཱརོཔེཡྻ…པེ॰… ཙེཏིཡཾ ཨབྷིདཀྑིཎཾ 1 ཀརེཡྻཱཏི? ཨཱམནྟཱ། ཧཉྩི ཀཔྤཊྛོ ཙེཏིཡཾ ཨབྷིདཀྑིཎཾ ཀརེཡྻ, ནོ ཙ ཝཏ རེ ཝཏྟབྦེ – ‘‘ཀཔྤཊྛོ ཀུསལཾ ཙིཏྟཾ ན པཊིལབྷེཡྻཱ’’ཏི…པེ॰…།
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
༦༥༩. ཀཔྤཊྛོ ཀུསལཾ ཙིཏྟཾ པཊིལབྷེཡྻཱཏི? ཨཱམནྟཱ། ཏཏོ ཝུཊྛཱནཾ ཀུསལཾ ཙིཏྟཾ པཊིལབྷེཡྻཱཏི? ཨཱམནྟཱ། རཱུཔཱཝཙརཾ…པེ॰… ཨརཱུཔཱཝཙརཾ…པེ॰… ལོཀུཏྟརཾ ཀུསལཾ ཙིཏྟཾ པཊིལབྷེཡྻཱཏི? ན ཧེཝཾ ཝཏྟབྦེ…པེ॰…།
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
ཀུསལཔཊིལཱབྷཀཐཱ ནིཊྛིཏཱ།
Kusalapaṭilābhakathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༢. ཀུསལཔཊིལཱབྷཀཐཱཝཎྞནཱ • 2. Kusalapaṭilābhakathāvaṇṇanā
