| Library / Tipiṭaka / තිපිටක • Tipiṭaka / කථාවත්ථුපාළි • Kathāvatthupāḷi |
13. තෙරසමවග්ගො
13. Terasamavaggo
(127) 2. කුසලපටිලාභකථා
(127) 2. Kusalapaṭilābhakathā
658. කප්පට්ඨො කුසලං චිත්තං න පටිලභෙය්යාති? ආමන්තා. කප්පට්ඨො දානං දදෙය්යාති? ආමන්තා. හඤ්චි කප්පට්ඨො දානං දදෙය්ය, නො ච වත රෙ වත්තබ්බෙ – ‘‘කප්පට්ඨො කුසලං චිත්තං න පටිලභෙය්යා’’ති.
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
කප්පට්ඨො කුසලං චිත්තං න පටිලභෙය්යාති? ආමන්තා. කප්පට්ඨො චීවරං දදෙය්ය…පෙ.… පිණ්ඩපාතං දදෙය්ය…පෙ.… සෙනාසනං දදෙය්ය…පෙ.… ගිලානපච්චයභෙසජ්ජපරික්ඛාරං දදෙය්ය … ඛාදනීයං දදෙය්ය… භොජනීයං දදෙය්ය… පානීයං දදෙය්ය… චෙතියං වන්දෙය්ය… චෙතියෙ මාලං ආරොපෙය්ය… ගන්ධං ආරොපෙය්ය… විලෙපනං ආරොපෙය්ය…පෙ.… චෙතියං අභිදක්ඛිණං 1 කරෙය්යාති? ආමන්තා. හඤ්චි කප්පට්ඨො චෙතියං අභිදක්ඛිණං කරෙය්ය, නො ච වත රෙ වත්තබ්බෙ – ‘‘කප්පට්ඨො කුසලං චිත්තං න පටිලභෙය්යා’’ති…පෙ.….
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
659. කප්පට්ඨො කුසලං චිත්තං පටිලභෙය්යාති? ආමන්තා. තතො වුට්ඨානං කුසලං චිත්තං පටිලභෙය්යාති? ආමන්තා. රූපාවචරං…පෙ.… අරූපාවචරං…පෙ.… ලොකුත්තරං කුසලං චිත්තං පටිලභෙය්යාති? න හෙවං වත්තබ්බෙ…පෙ.….
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
කුසලපටිලාභකථා නිට්ඨිතා.
Kusalapaṭilābhakathā niṭṭhitā.
Footnotes:
Related texts:
අට්ඨකථා • Aṭṭhakathā / අභිධම්මපිටක (අට්ඨකථා) • Abhidhammapiṭaka (aṭṭhakathā) / පඤ්චපකරණ-අට්ඨකථා • Pañcapakaraṇa-aṭṭhakathā / 2. කුසලපටිලාභකථාවණ්ණනා • 2. Kusalapaṭilābhakathāvaṇṇanā
