| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១៣. តេរសមវគ្គោ
13. Terasamavaggo
(១២៧) ២. កុសលបដិលាភកថា
(127) 2. Kusalapaṭilābhakathā
៦៥៨. កប្បដ្ឋោ កុសលំ ចិត្តំ ន បដិលភេយ្យាតិ? អាមន្តា។ កប្បដ្ឋោ ទានំ ទទេយ្យាតិ? អាមន្តា។ ហញ្ចិ កប្បដ្ឋោ ទានំ ទទេយ្យ, នោ ច វត រេ វត្តព្ពេ – ‘‘កប្បដ្ឋោ កុសលំ ចិត្តំ ន បដិលភេយ្យា’’តិ។
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
កប្បដ្ឋោ កុសលំ ចិត្តំ ន បដិលភេយ្យាតិ? អាមន្តា។ កប្បដ្ឋោ ចីវរំ ទទេយ្យ…បេ.… បិណ្ឌបាតំ ទទេយ្យ…បេ.… សេនាសនំ ទទេយ្យ…បេ.… គិលានបច្ចយភេសជ្ជបរិក្ខារំ ទទេយ្យ … ខាទនីយំ ទទេយ្យ… ភោជនីយំ ទទេយ្យ… បានីយំ ទទេយ្យ… ចេតិយំ វន្ទេយ្យ… ចេតិយេ មាលំ អារោបេយ្យ… គន្ធំ អារោបេយ្យ… វិលេបនំ អារោបេយ្យ…បេ.… ចេតិយំ អភិទក្ខិណំ 1 ករេយ្យាតិ? អាមន្តា។ ហញ្ចិ កប្បដ្ឋោ ចេតិយំ អភិទក្ខិណំ ករេយ្យ, នោ ច វត រេ វត្តព្ពេ – ‘‘កប្បដ្ឋោ កុសលំ ចិត្តំ ន បដិលភេយ្យា’’តិ…បេ.…។
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
៦៥៩. កប្បដ្ឋោ កុសលំ ចិត្តំ បដិលភេយ្យាតិ? អាមន្តា។ តតោ វុដ្ឋានំ កុសលំ ចិត្តំ បដិលភេយ្យាតិ? អាមន្តា។ រូបាវចរំ…បេ.… អរូបាវចរំ…បេ.… លោកុត្តរំ កុសលំ ចិត្តំ បដិលភេយ្យាតិ? ន ហេវំ វត្តព្ពេ…បេ.…។
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
កុសលបដិលាភកថា និដ្ឋិតា។
Kusalapaṭilābhakathā niṭṭhitā.
Footnotes:
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ២. កុសលបដិលាភកថាវណ្ណនា • 2. Kusalapaṭilābhakathāvaṇṇanā
