| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๓. เตรสมวโคฺค
13. Terasamavaggo
(๑๒๗) ๒. กุสลปฎิลาภกถา
(127) 2. Kusalapaṭilābhakathā
๖๕๘. กปฺปโฎฺฐ กุสลํ จิตฺตํ น ปฎิลเภยฺยาติ? อามนฺตาฯ กปฺปโฎฺฐ ทานํ ทเทยฺยาติ? อามนฺตาฯ หญฺจิ กปฺปโฎฺฐ ทานํ ทเทยฺย, โน จ วต เร วตฺตเพฺพ – ‘‘กปฺปโฎฺฐ กุสลํ จิตฺตํ น ปฎิลเภยฺยา’’ติฯ
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
กปฺปโฎฺฐ กุสลํ จิตฺตํ น ปฎิลเภยฺยาติ? อามนฺตาฯ กปฺปโฎฺฐ จีวรํ ทเทยฺย…เป.… ปิณฺฑปาตํ ทเทยฺย…เป.… เสนาสนํ ทเทยฺย…เป.… คิลานปจฺจยเภสชฺชปริกฺขารํ ทเทยฺย … ขาทนียํ ทเทยฺย… โภชนียํ ทเทยฺย… ปานียํ ทเทยฺย… เจติยํ วเนฺทยฺย… เจติเย มาลํ อาโรเปยฺย… คนฺธํ อาโรเปยฺย… วิเลปนํ อาโรเปยฺย…เป.… เจติยํ อภิทกฺขิณํ 1 กเรยฺยาติ? อามนฺตาฯ หญฺจิ กปฺปโฎฺฐ เจติยํ อภิทกฺขิณํ กเรยฺย, โน จ วต เร วตฺตเพฺพ – ‘‘กปฺปโฎฺฐ กุสลํ จิตฺตํ น ปฎิลเภยฺยา’’ติ…เป.…ฯ
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
๖๕๙. กปฺปโฎฺฐ กุสลํ จิตฺตํ ปฎิลเภยฺยาติ? อามนฺตาฯ ตโต วุฎฺฐานํ กุสลํ จิตฺตํ ปฎิลเภยฺยาติ? อามนฺตาฯ รูปาวจรํ…เป.… อรูปาวจรํ…เป.… โลกุตฺตรํ กุสลํ จิตฺตํ ปฎิลเภยฺยาติ? น เหวํ วตฺตเพฺพ…เป.…ฯ
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
กุสลปฎิลาภกถา นิฎฺฐิตาฯ
Kusalapaṭilābhakathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๒. กุสลปฎิลาภกถาวณฺณนา • 2. Kusalapaṭilābhakathāvaṇṇanā
