| Library / Tipiṭaka / તિપિટક • Tipiṭaka / કથાવત્થુપાળિ • Kathāvatthupāḷi |
૧૩. તેરસમવગ્ગો
13. Terasamavaggo
(૧૨૭) ૨. કુસલપટિલાભકથા
(127) 2. Kusalapaṭilābhakathā
૬૫૮. કપ્પટ્ઠો કુસલં ચિત્તં ન પટિલભેય્યાતિ? આમન્તા. કપ્પટ્ઠો દાનં દદેય્યાતિ? આમન્તા. હઞ્ચિ કપ્પટ્ઠો દાનં દદેય્ય, નો ચ વત રે વત્તબ્બે – ‘‘કપ્પટ્ઠો કુસલં ચિત્તં ન પટિલભેય્યા’’તિ.
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
કપ્પટ્ઠો કુસલં ચિત્તં ન પટિલભેય્યાતિ? આમન્તા. કપ્પટ્ઠો ચીવરં દદેય્ય…પે॰… પિણ્ડપાતં દદેય્ય…પે॰… સેનાસનં દદેય્ય…પે॰… ગિલાનપચ્ચયભેસજ્જપરિક્ખારં દદેય્ય … ખાદનીયં દદેય્ય… ભોજનીયં દદેય્ય… પાનીયં દદેય્ય… ચેતિયં વન્દેય્ય… ચેતિયે માલં આરોપેય્ય… ગન્ધં આરોપેય્ય… વિલેપનં આરોપેય્ય…પે॰… ચેતિયં અભિદક્ખિણં 1 કરેય્યાતિ? આમન્તા. હઞ્ચિ કપ્પટ્ઠો ચેતિયં અભિદક્ખિણં કરેય્ય, નો ચ વત રે વત્તબ્બે – ‘‘કપ્પટ્ઠો કુસલં ચિત્તં ન પટિલભેય્યા’’તિ…પે॰….
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
૬૫૯. કપ્પટ્ઠો કુસલં ચિત્તં પટિલભેય્યાતિ? આમન્તા. તતો વુટ્ઠાનં કુસલં ચિત્તં પટિલભેય્યાતિ? આમન્તા. રૂપાવચરં…પે॰… અરૂપાવચરં…પે॰… લોકુત્તરં કુસલં ચિત્તં પટિલભેય્યાતિ? ન હેવં વત્તબ્બે…પે॰….
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
કુસલપટિલાભકથા નિટ્ઠિતા.
Kusalapaṭilābhakathā niṭṭhitā.
Footnotes:
Related texts:
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૨. કુસલપટિલાભકથાવણ્ણના • 2. Kusalapaṭilābhakathāvaṇṇanā
