| Library / Tipiṭaka / తిపిటక • Tipiṭaka / కథావత్థుపాళి • Kathāvatthupāḷi |
౧౩. తేరసమవగ్గో
13. Terasamavaggo
(౧౨౭) ౨. కుసలపటిలాభకథా
(127) 2. Kusalapaṭilābhakathā
౬౫౮. కప్పట్ఠో కుసలం చిత్తం న పటిలభేయ్యాతి? ఆమన్తా. కప్పట్ఠో దానం దదేయ్యాతి? ఆమన్తా. హఞ్చి కప్పట్ఠో దానం దదేయ్య, నో చ వత రే వత్తబ్బే – ‘‘కప్పట్ఠో కుసలం చిత్తం న పటిలభేయ్యా’’తి.
658. Kappaṭṭho kusalaṃ cittaṃ na paṭilabheyyāti? Āmantā. Kappaṭṭho dānaṃ dadeyyāti? Āmantā. Hañci kappaṭṭho dānaṃ dadeyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti.
కప్పట్ఠో కుసలం చిత్తం న పటిలభేయ్యాతి? ఆమన్తా. కప్పట్ఠో చీవరం దదేయ్య…పే॰… పిణ్డపాతం దదేయ్య…పే॰… సేనాసనం దదేయ్య…పే॰… గిలానపచ్చయభేసజ్జపరిక్ఖారం దదేయ్య … ఖాదనీయం దదేయ్య… భోజనీయం దదేయ్య… పానీయం దదేయ్య… చేతియం వన్దేయ్య… చేతియే మాలం ఆరోపేయ్య… గన్ధం ఆరోపేయ్య… విలేపనం ఆరోపేయ్య…పే॰… చేతియం అభిదక్ఖిణం 1 కరేయ్యాతి? ఆమన్తా. హఞ్చి కప్పట్ఠో చేతియం అభిదక్ఖిణం కరేయ్య, నో చ వత రే వత్తబ్బే – ‘‘కప్పట్ఠో కుసలం చిత్తం న పటిలభేయ్యా’’తి…పే॰….
Kappaṭṭho kusalaṃ cittaṃ na paṭilabheyyāti? Āmantā. Kappaṭṭho cīvaraṃ dadeyya…pe… piṇḍapātaṃ dadeyya…pe… senāsanaṃ dadeyya…pe… gilānapaccayabhesajjaparikkhāraṃ dadeyya … khādanīyaṃ dadeyya… bhojanīyaṃ dadeyya… pānīyaṃ dadeyya… cetiyaṃ vandeyya… cetiye mālaṃ āropeyya… gandhaṃ āropeyya… vilepanaṃ āropeyya…pe… cetiyaṃ abhidakkhiṇaṃ 2 kareyyāti? Āmantā. Hañci kappaṭṭho cetiyaṃ abhidakkhiṇaṃ kareyya, no ca vata re vattabbe – ‘‘kappaṭṭho kusalaṃ cittaṃ na paṭilabheyyā’’ti…pe….
౬౫౯. కప్పట్ఠో కుసలం చిత్తం పటిలభేయ్యాతి? ఆమన్తా. తతో వుట్ఠానం కుసలం చిత్తం పటిలభేయ్యాతి? ఆమన్తా. రూపావచరం…పే॰… అరూపావచరం…పే॰… లోకుత్తరం కుసలం చిత్తం పటిలభేయ్యాతి? న హేవం వత్తబ్బే…పే॰….
659. Kappaṭṭho kusalaṃ cittaṃ paṭilabheyyāti? Āmantā. Tato vuṭṭhānaṃ kusalaṃ cittaṃ paṭilabheyyāti? Āmantā. Rūpāvacaraṃ…pe… arūpāvacaraṃ…pe… lokuttaraṃ kusalaṃ cittaṃ paṭilabheyyāti? Na hevaṃ vattabbe…pe….
కుసలపటిలాభకథా నిట్ఠితా.
Kusalapaṭilābhakathā niṭṭhitā.
Footnotes:
Related texts:
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౨. కుసలపటిలాభకథావణ్ణనా • 2. Kusalapaṭilābhakathāvaṇṇanā
