| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៦. កុសលកថាវណ្ណនា
6. Kusalakathāvaṇṇanā
៨៤៤-៨៤៦. ឥទានិ កុសលកថា នាម ហោតិ។ តត្ថ អនវជ្ជម្បិ កុសលំ ឥដ្ឋបាកម្បិ។ អនវជ្ជំ នាម កិលេសវិប្បយុត្តំ។ អយំ នយោ ឋបេត្វា អកុសលំ សព្ពធម្មេ ភជតិ។ ឥដ្ឋវិបាកំ នាម អាយតិំ ឧបបត្តិបវត្តេសុ ឥដ្ឋផលនិប្ផាទកំ បុញ្ញំ។ អយំ នយោ កុសលត្តិកេ អាទិបទមេវ ភជតិ។ យេសំ បន ឥមំ វិភាគំ អគ្គហេត្វា អនវជ្ជភាវមត្តេនេវ និព្ពានំ កុសលន្តិ លទ្ធិ, សេយ្យថាបិ អន្ធកានំ, តេសំ ឥដ្ឋវិបាកដ្ឋេន និព្ពានស្ស កុសលតាភាវំ ទីបេតុំ បុច្ឆា សកវាទិស្ស, អត្តនោ លទ្ធិវសេន បដិញ្ញា ឥតរស្ស។ សេសមិធាបិ ហេដ្ឋា វុត្តនយត្តា ឧត្តានត្ថមេវាតិ។
844-846. Idāni kusalakathā nāma hoti. Tattha anavajjampi kusalaṃ iṭṭhapākampi. Anavajjaṃ nāma kilesavippayuttaṃ. Ayaṃ nayo ṭhapetvā akusalaṃ sabbadhamme bhajati. Iṭṭhavipākaṃ nāma āyatiṃ upapattipavattesu iṭṭhaphalanipphādakaṃ puññaṃ. Ayaṃ nayo kusalattike ādipadameva bhajati. Yesaṃ pana imaṃ vibhāgaṃ aggahetvā anavajjabhāvamatteneva nibbānaṃ kusalanti laddhi, seyyathāpi andhakānaṃ, tesaṃ iṭṭhavipākaṭṭhena nibbānassa kusalatābhāvaṃ dīpetuṃ pucchā sakavādissa, attano laddhivasena paṭiññā itarassa. Sesamidhāpi heṭṭhā vuttanayattā uttānatthamevāti.
កុសលកថាវណ្ណនា។
Kusalakathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១៩១) ៦. កុសលកថា • (191) 6. Kusalakathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៦. កុសលកថាវណ្ណនា • 6. Kusalakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៦. កុសលកថាវណ្ណនា • 6. Kusalakathāvaṇṇanā
