| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
குஸலகம்மபத²கதா²வண்ணனா
Kusalakammapathakathāvaṇṇanā
பாணாதிபாதாதீ³ஹி பன விரதியோதி ஏதங் யாஹி விரதீஹி ஸம்பயுத்தா சேதனா ‘‘காயவசீகம்மானீ’’தி வுச்சந்தி, தாஸஞ்ச கம்மபத²பா⁴வோ யுத்தோதி கத்வா வுத்தங். ததா² ஹி வக்க²தி ‘‘படிபாடியா ஸத்த சேதனாபி வட்டந்தி விரதியோபீ’’தி. அல்லஸஸமங்ஸந்தி ஜீவமானகஸஸமங்ஸங். வோரோபேதா ஹுத்வா நாபி⁴ஜானாமி. து³ஸ்ஸீல்யாதா³ரம்மணா ததா³ரம்மணா. ஜீவிதிந்த்³ரியாதி³ஆரம்மணா கத²ங் து³ஸ்ஸீல்யாதீ³னி பஜஹந்தீதி தங் த³ஸ்ஸேதுங் ‘‘யதா² பனா’’திஆதி³ வுத்தங். அனபி⁴ஜ்ஜா²…பே॰… விரமந்தஸ்ஸாதி அபி⁴ஜ்ஜ²ங் பஜஹந்தஸ்ஸாதி அத்தோ². ந ஹி மனோது³ச்சரிதா விரதி அத்தி² அனபி⁴ஜ்ஜா²தீ³ஹேவ தப்பஹானதோ.
Pāṇātipātādīhi pana viratiyoti etaṃ yāhi viratīhi sampayuttā cetanā ‘‘kāyavacīkammānī’’ti vuccanti, tāsañca kammapathabhāvo yuttoti katvā vuttaṃ. Tathā hi vakkhati ‘‘paṭipāṭiyā satta cetanāpi vaṭṭanti viratiyopī’’ti. Allasasamaṃsanti jīvamānakasasamaṃsaṃ. Voropetā hutvā nābhijānāmi. Dussīlyādārammaṇā tadārammaṇā. Jīvitindriyādiārammaṇā kathaṃ dussīlyādīni pajahantīti taṃ dassetuṃ ‘‘yathā panā’’tiādi vuttaṃ. Anabhijjhā…pe… viramantassāti abhijjhaṃ pajahantassāti attho. Na hi manoduccaritā virati atthi anabhijjhādīheva tappahānato.
Related texts:
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / குஸலகம்மபத²கதா²வண்ணனா • Kusalakammapathakathāvaṇṇanā
