| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕๒. ผลทายกวโคฺค
52. Phaladāyakavaggo
๑. กุรญฺจิยผลทายกเตฺถรอปทานํ
1. Kurañciyaphaladāyakattheraapadānaṃ
๑.
1.
‘‘มิคลุโทฺท ปุเร อาสิํ, วิปิเน วิจรํ อหํ;
‘‘Migaluddo pure āsiṃ, vipine vicaraṃ ahaṃ;
อทฺทสํ วิรชํ พุทฺธํ, สพฺพธมฺมาน ปารคุํฯ
Addasaṃ virajaṃ buddhaṃ, sabbadhammāna pāraguṃ.
๒.
2.
‘‘กุรญฺจิยผลํ คยฺห, พุทฺธเสฎฺฐสฺสทาสหํ;
‘‘Kurañciyaphalaṃ gayha, buddhaseṭṭhassadāsahaṃ;
ปุญฺญเกฺขตฺตสฺส ตาทิโน, ปสโนฺน เสหิ ปาณิภิฯ
Puññakkhettassa tādino, pasanno sehi pāṇibhi.
๓.
3.
‘‘เอกติํเส อิโต กเปฺป, ยํ ผลํ อททิํ ตทา;
‘‘Ekatiṃse ito kappe, yaṃ phalaṃ adadiṃ tadā;
ทุคฺคติํ นาภิชานามิ, ผลทานสฺสิทํ ผลํฯ
Duggatiṃ nābhijānāmi, phaladānassidaṃ phalaṃ.
๔.
4.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
นาโคว พนฺธนํ เฉตฺวา, วิหรามิ อนาสโวฯ
Nāgova bandhanaṃ chetvā, viharāmi anāsavo.
๕.
5.
‘‘สฺวาคตํ วต เม อาสิ, พุทฺธเสฎฺฐสฺส สนฺติเก;
‘‘Svāgataṃ vata me āsi, buddhaseṭṭhassa santike;
ติโสฺส วิชฺชา อนุปฺปตฺตา, กตํ พุทฺธสฺส สาสนํฯ
Tisso vijjā anuppattā, kataṃ buddhassa sāsanaṃ.
๖.
6.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา กุรญฺจิยผลทายโก เถโร อิมา
Itthaṃ sudaṃ āyasmā kurañciyaphaladāyako thero imā
คาถาโย อภาสิตฺถาติฯ
Gāthāyo abhāsitthāti.
กุรญฺจิยผลทายกเตฺถรสฺสาปทานํ ปฐมํฯ
Kurañciyaphaladāyakattherassāpadānaṃ paṭhamaṃ.
