| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. гуммобамасуд̇д̇ам̣
3. Kummopamasuttaṃ
240. ‘‘бхууд̇абуб̣б̣ам̣, бхигкавз, гуммо гажчабо сааяанхасамаяам̣ анунад̣̇ийд̇ийрз г̇ожарабасуд̇о ахоси. син̇г̇аалоби 1 ко, бхигкавз, сааяанхасамаяам̣ анунад̣̇ийд̇ийрз г̇ожарабасуд̇о ахоси. ад̣̇д̣̇асаа ко, бхигкавз, гуммо гажчабо син̇г̇аалам̣ д̣̇уурад̇ова г̇ожарабасуд̇ам̣. д̣̇исваана сон̣д̣ибан̃жамаани ан̇г̇аани сагз габаалз самод̣̇ахид̇ваа аббоссугго д̇ун̣хийбхууд̇о сан̇гасааяад̇и. син̇г̇аалоби ко, бхигкавз, ад̣̇д̣̇аса гуммам̣ гажчабам̣ д̣̇уурад̇ова г̇ожарабасуд̇ам̣. д̣̇исваана язна гуммо гажчабо д̇знубасан̇гами; убасан̇гамид̇ваа гуммам̣ гажчабам̣ бажжубадтид̇о ахоси – ‘яад̣̇ааяам̣ гуммо гажчабо сон̣д̣ибан̃жамаанам̣ ан̇г̇аанам̣ ан̃н̃ад̇арам̣ ваа ан̃н̃ад̇арам̣ ваа ан̇г̇ам̣ абхининнаамзссад̇и, д̇ад̇т̇зва нам̣ г̇ахзд̇ваа уд̣̇д̣̇аалид̇ваа каад̣̇иссаамий’д̇и. яад̣̇аа ко, бхигкавз, гуммо гажчабо сон̣д̣ибан̃жамаанам̣ ан̇г̇аанам̣ ан̃н̃ад̇арам̣ ваа ан̃н̃ад̇арам̣ ваа ан̇г̇ам̣ на абхининнаами, ат̇а син̇г̇аало гуммамхаа ниб̣б̣иж̇ж̇а баггаами, од̇аарам̣ алабхамаано.
240. ‘‘Bhūtapubbaṃ, bhikkhave, kummo kacchapo sāyanhasamayaṃ anunadītīre gocarapasuto ahosi. Siṅgālopi 2 kho, bhikkhave, sāyanhasamayaṃ anunadītīre gocarapasuto ahosi. Addasā kho, bhikkhave, kummo kacchapo siṅgālaṃ dūratova gocarapasutaṃ. Disvāna soṇḍipañcamāni aṅgāni sake kapāle samodahitvā appossukko tuṇhībhūto saṅkasāyati. Siṅgālopi kho, bhikkhave, addasa kummaṃ kacchapaṃ dūratova gocarapasutaṃ. Disvāna yena kummo kacchapo tenupasaṅkami; upasaṅkamitvā kummaṃ kacchapaṃ paccupaṭṭhito ahosi – ‘yadāyaṃ kummo kacchapo soṇḍipañcamānaṃ aṅgānaṃ aññataraṃ vā aññataraṃ vā aṅgaṃ abhininnāmessati, tattheva naṃ gahetvā uddālitvā khādissāmī’ti. Yadā kho, bhikkhave, kummo kacchapo soṇḍipañcamānaṃ aṅgānaṃ aññataraṃ vā aññataraṃ vā aṅgaṃ na abhininnāmi, atha siṅgālo kummamhā nibbijja pakkāmi, otāraṃ alabhamāno.
‘‘звамзва ко, бхигкавз, д̇умхзби мааро баабимаа сад̇ад̇ам̣ самид̇ам̣ бажжубадтид̇о – ‘аббзва наамаахам̣ имзсам̣ жагкуд̇о ваа од̇аарам̣ лабхзяяам̣…бз… ж̇ивхаад̇о ваа од̇аарам̣ лабхзяяам̣…бз… манад̇о ваа од̇аарам̣ лабхзяяа’нд̇и. д̇асмаад̇иха, бхигкавз, инд̣̇риязсу г̇уд̇д̇ад̣̇ваараа вихарат̇а. жагкунаа руубам̣ д̣̇исваа маа нимид̇д̇аг̇г̇аахино ахувад̇т̇а, маа ануб̣яан̃ж̇анаг̇г̇аахино. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ат̇а, рагкат̇а жагкунд̣̇рияам̣, жагкунд̣̇рияз сам̣варам̣ аабаж̇ж̇ат̇а. сод̇зна сад̣̇д̣̇ам̣ суд̇ваа… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа маа нимид̇д̇аг̇г̇аахино ахувад̇т̇а, маа ануб̣яан̃ж̇анаг̇г̇аахино. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ат̇а, рагкат̇а манинд̣̇рияам̣, манинд̣̇рияз сам̣варам̣ аабаж̇ж̇ат̇а. яад̇о д̇умхз, бхигкавз, инд̣̇риязсу г̇уд̇д̇ад̣̇ваараа вихариссат̇а, ат̇а д̇умхзхиби мааро баабимаа ниб̣б̣иж̇ж̇а баггамиссад̇и, од̇аарам̣ алабхамаано – гуммамхаава син̇г̇аало’’д̇и.
‘‘Evameva kho, bhikkhave, tumhepi māro pāpimā satataṃ samitaṃ paccupaṭṭhito – ‘appeva nāmāhaṃ imesaṃ cakkhuto vā otāraṃ labheyyaṃ…pe… jivhāto vā otāraṃ labheyyaṃ…pe… manato vā otāraṃ labheyya’nti. Tasmātiha, bhikkhave, indriyesu guttadvārā viharatha. Cakkhunā rūpaṃ disvā mā nimittaggāhino ahuvattha, mā anubyañjanaggāhino. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjatha, rakkhatha cakkhundriyaṃ, cakkhundriye saṃvaraṃ āpajjatha. Sotena saddaṃ sutvā… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya mā nimittaggāhino ahuvattha, mā anubyañjanaggāhino. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjatha, rakkhatha manindriyaṃ, manindriye saṃvaraṃ āpajjatha. Yato tumhe, bhikkhave, indriyesu guttadvārā viharissatha, atha tumhehipi māro pāpimā nibbijja pakkamissati, otāraṃ alabhamāno – kummamhāva siṅgālo’’ti.
‘‘гуммо ан̇г̇аани сагз габаалз,
‘‘Kummo aṅgāni sake kapāle,
самод̣̇ахам̣ бхигку мановид̇аггз;
Samodahaṃ bhikkhu manovitakke;
аниссид̇о ан̃н̃амахзтаяаано,
Anissito aññamaheṭhayāno,
бариниб̣б̣уд̇о нуубавад̣̇зяяа ган̃жий’’д̇и. д̇ад̇ияам̣;
Parinibbuto nūpavadeyya kañcī’’ti. tatiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гуммобамасуд̇д̇аван̣н̣анаа • 3. Kummopamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. гуммобамасуд̇д̇аван̣н̣анаа • 3. Kummopamasuttavaṇṇanā
