| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃-၄. ကုမ္မသုတ္တာဒိဝဏ္ဏနာ
3-4. Kummasuttādivaṇṇanā
၁၅၉-၁၆၀. အဋ္ဌိကစ္ဆပာ ဝုစ္စန္တိ ယေသံ ကပာလမတ္ထကေ တိခိဏာ အဋ္ဌိကောဋိ ဟောတိ, တေသံ သမူဟော အဋ္ဌိကစ္ဆပကုလံ။ မစ္ဆကစ္ဆပာဒီနံ သရီရေ လမ္ဗန္တီ ပပတတီတိ ပပတာ, ဝုစ္စမာနာကာရော အယကဏ္ဋကော။ အယကောသကေတိ အယောမယကောသကေ။ ကဏ္ဏိကသလ္လသဏ္ဌာနောတိ အတ္တနိကာပနသလ္လသဏ္ဌာနော။ အယကဏ္ဋကောတိ အယောမယဝင္ကကဏ္ဋကော။ နိက္ခမတိ ဧတ္ထ အထာဝရတော။ ပဝေသိတမတ္တော ဟိ သော။ ဣဒာနိ တ္ဝံ ‘‘အမ္ဟာက’’န္တိ န ဝတ္တဗ္ဗော။ ဣတော အနန္တရသုတ္တေတိ စတုတ္ထသုတ္တမာဟ။
159-160. Aṭṭhikacchapā vuccanti yesaṃ kapālamatthake tikhiṇā aṭṭhikoṭi hoti, tesaṃ samūho aṭṭhikacchapakulaṃ. Macchakacchapādīnaṃ sarīre lambantī papatatīti papatā, vuccamānākāro ayakaṇṭako. Ayakosaketi ayomayakosake. Kaṇṇikasallasaṇṭhānoti attanikāpanasallasaṇṭhāno. Ayakaṇṭakoti ayomayavaṅkakaṇṭako. Nikkhamati ettha athāvarato. Pavesitamatto hi so. Idāni tvaṃ ‘‘amhāka’’nti na vattabbo. Ito anantarasutteti catutthasuttamāha.
ကုမ္မသုတ္တာဒိဝဏ္ဏနာ နိဋ္ဌိတာ။
Kummasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၃. ကုမ္မသုတ္တံ • 3. Kummasuttaṃ
၄. ဒီဃလောမိကသုတ္တံ • 4. Dīghalomikasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃-၄. ကုမ္မသုတ္တာဒိဝဏ္ဏနာ • 3-4. Kummasuttādivaṇṇanā
