| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೧೫. ಕುಮ್ಮಾಸಪಿಣ್ಡಿಜಾತಕಂ (೭-೨-೧೦)
415. Kummāsapiṇḍijātakaṃ (7-2-10)
೧೪೨.
142.
ನ ಕಿರತ್ಥಿ ಅನೋಮದಸ್ಸಿಸು, ಪಾರಿಚರಿಯಾ ಬುದ್ಧೇಸು ಅಪ್ಪಿಕಾ 1।
Na kiratthi anomadassisu, pāricariyā buddhesu appikā 2;
ಸುಕ್ಖಾಯ ಅಲೋಣಿಕಾಯ ಚ, ಪಸ್ಸಫಲಂ ಕುಮ್ಮಾಸಪಿಣ್ಡಿಯಾ॥
Sukkhāya aloṇikāya ca, passaphalaṃ kummāsapiṇḍiyā.
೧೪೩.
143.
ಹತ್ಥಿಗವಸ್ಸಾ ಚಿಮೇ ಬಹೂ 3, ಧನಧಞ್ಞಂ ಪಥವೀ ಚ ಕೇವಲಾ।
Hatthigavassā cime bahū 4, dhanadhaññaṃ pathavī ca kevalā;
ನಾರಿಯೋ ಚಿಮಾ ಅಚ್ಛರೂಪಮಾ, ಪಸ್ಸಫಲಂ ಕುಮ್ಮಾಸಪಿಣ್ಡಿಯಾ॥
Nāriyo cimā accharūpamā, passaphalaṃ kummāsapiṇḍiyā.
೧೪೪.
144.
ಅಭಿಕ್ಖಣಂ ರಾಜಕುಞ್ಜರ, ಗಾಥಾ ಭಾಸಸಿ ಕೋಸಲಾಧಿಪ।
Abhikkhaṇaṃ rājakuñjara, gāthā bhāsasi kosalādhipa;
ಪುಚ್ಛಾಮಿ ತಂ ರಟ್ಠವಡ್ಢನ, ಬಾಳ್ಹಂ ಪೀತಿಮನೋ ಪಭಾಸಸಿ॥
Pucchāmi taṃ raṭṭhavaḍḍhana, bāḷhaṃ pītimano pabhāsasi.
೧೪೫.
145.
ಇಮಸ್ಮಿಞ್ಞೇವ ನಗರೇ, ಕುಲೇ ಅಞ್ಞತರೇ ಅಹುಂ।
Imasmiññeva nagare, kule aññatare ahuṃ;
ಪರಕಮ್ಮಕರೋ ಆಸಿಂ, ಭತಕೋ ಸೀಲಸಂವುತೋ॥
Parakammakaro āsiṃ, bhatako sīlasaṃvuto.
೧೪೬.
146.
ಕಮ್ಮಾಯ ನಿಕ್ಖಮನ್ತೋಹಂ, ಚತುರೋ ಸಮಣೇದ್ದಸಂ।
Kammāya nikkhamantohaṃ, caturo samaṇeddasaṃ;
ಆಚಾರಸೀಲಸಮ್ಪನ್ನೇ, ಸೀತಿಭೂತೇ ಅನಾಸವೇ॥
Ācārasīlasampanne, sītibhūte anāsave.
೧೪೭.
147.
ಅದಂ ಬುದ್ಧಾನ ಕುಮ್ಮಾಸಂ, ಪಸನ್ನೋ ಸೇಹಿ ಪಾಣಿಭಿ॥
Adaṃ buddhāna kummāsaṃ, pasanno sehi pāṇibhi.
೧೪೮.
148.
ತಸ್ಸ ಕಮ್ಮಸ್ಸ ಕುಸಲಸ್ಸ, ಇದಂ ಮೇ ಏದಿಸಂ ಫಲಂ।
Tassa kammassa kusalassa, idaṃ me edisaṃ phalaṃ;
ಅನುಭೋಮಿ ಇದಂ ರಜ್ಜಂ, ಫೀತಂ ಧರಣಿಮುತ್ತಮಂ॥
Anubhomi idaṃ rajjaṃ, phītaṃ dharaṇimuttamaṃ.
೧೪೯.
149.
ದದಂ ಭುಞ್ಜ ಮಾ ಚ ಪಮಾದೋ 7, ಚಕ್ಕಂ ವತ್ತಯ ಕೋಸಲಾಧಿಪ।
Dadaṃ bhuñja mā ca pamādo 8, cakkaṃ vattaya kosalādhipa;
ಮಾ ರಾಜ ಅಧಮ್ಮಿಕೋ ಅಹು, ಧಮ್ಮಂ ಪಾಲಯ ಕೋಸಲಾಧಿಪ॥
Mā rāja adhammiko ahu, dhammaṃ pālaya kosalādhipa.
೧೫೦.
150.
ಸೋಹಂ ತದೇವ ಪುನಪ್ಪುನಂ, ವಟುಮಂ ಆಚರಿಸ್ಸಾಮಿ ಸೋಭನೇ।
Sohaṃ tadeva punappunaṃ, vaṭumaṃ ācarissāmi sobhane;
ಅರಿಯಾಚರಿತಂ ಸುಕೋಸಲೇ, ಅರಹನ್ತೋ ಮೇ ಮನಾಪಾವ ಪಸ್ಸಿತುಂ॥
Ariyācaritaṃ sukosale, arahanto me manāpāva passituṃ.
೧೫೧.
151.
ದೇವೀ ವಿಯ ಅಚ್ಛರೂಪಮಾ, ಮಜ್ಝೇ ನಾರಿಗಣಸ್ಸ ಸೋಭಸಿ।
Devī viya accharūpamā, majjhe nārigaṇassa sobhasi;
ಕಿಂ ಕಮ್ಮಮಕಾಸಿ ಭದ್ದಕಂ, ಕೇನಾಸಿ ವಣ್ಣವತೀ ಸುಕೋಸಲೇ॥
Kiṃ kammamakāsi bhaddakaṃ, kenāsi vaṇṇavatī sukosale.
೧೫೨.
152.
ಅಮ್ಬಟ್ಠಕುಲಸ್ಸ ಖತ್ತಿಯ, ದಾಸ್ಯಾಹಂ ಪರಪೇಸಿಯಾ ಅಹುಂ।
Ambaṭṭhakulassa khattiya, dāsyāhaṃ parapesiyā ahuṃ;
೧೫೩.
153.
ಉದ್ಧಟಭತ್ತಂ ಅಹಂ ತದಾ, ಚರಮಾನಸ್ಸ ಅದಾಸಿ ಭಿಕ್ಖುನೋ।
Uddhaṭabhattaṃ ahaṃ tadā, caramānassa adāsi bhikkhuno;
ವಿತ್ತಾ ಸುಮನಾ ಸಯಂ ಅಹಂ, ತಸ್ಸ ಕಮ್ಮಸ್ಸ ಫಲಂ ಮಮೇದಿಸನ್ತಿ॥
Vittā sumanā sayaṃ ahaṃ, tassa kammassa phalaṃ mamedisanti.
ಕುಮ್ಮಾಸಪಿಣ್ಡಿಜಾತಕಂ ದಸಮಂ।
Kummāsapiṇḍijātakaṃ dasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೧೫] ೧೦. ಕುಮ್ಮಾಸಪಿಣ್ಡಿಜಾತಕವಣ್ಣನಾ • [415] 10. Kummāsapiṇḍijātakavaṇṇanā
