| Library / Tipiṭaka / तिपिटक • Tipiṭaka / जातकपाळि • Jātakapāḷi |
४१५. कुम्मासपिण्डिजातकं (७-२-१०)
415. Kummāsapiṇḍijātakaṃ (7-2-10)
१४२.
142.
न किरत्थि अनोमदस्सिसु, पारिचरिया बुद्धेसु अप्पिका 1।
Na kiratthi anomadassisu, pāricariyā buddhesu appikā 2;
सुक्खाय अलोणिकाय च, पस्सफलं कुम्मासपिण्डिया॥
Sukkhāya aloṇikāya ca, passaphalaṃ kummāsapiṇḍiyā.
१४३.
143.
हत्थिगवस्सा चिमे बहू 3, धनधञ्ञं पथवी च केवला।
Hatthigavassā cime bahū 4, dhanadhaññaṃ pathavī ca kevalā;
नारियो चिमा अच्छरूपमा, पस्सफलं कुम्मासपिण्डिया॥
Nāriyo cimā accharūpamā, passaphalaṃ kummāsapiṇḍiyā.
१४४.
144.
अभिक्खणं राजकुञ्जर, गाथा भाससि कोसलाधिप।
Abhikkhaṇaṃ rājakuñjara, gāthā bhāsasi kosalādhipa;
पुच्छामि तं रट्ठवड्ढन, बाळ्हं पीतिमनो पभाससि॥
Pucchāmi taṃ raṭṭhavaḍḍhana, bāḷhaṃ pītimano pabhāsasi.
१४५.
145.
इमस्मिञ्ञेव नगरे, कुले अञ्ञतरे अहुं।
Imasmiññeva nagare, kule aññatare ahuṃ;
परकम्मकरो आसिं, भतको सीलसंवुतो॥
Parakammakaro āsiṃ, bhatako sīlasaṃvuto.
१४६.
146.
कम्माय निक्खमन्तोहं, चतुरो समणेद्दसं।
Kammāya nikkhamantohaṃ, caturo samaṇeddasaṃ;
आचारसीलसम्पन्ने, सीतिभूते अनासवे॥
Ācārasīlasampanne, sītibhūte anāsave.
१४७.
147.
अदं बुद्धान कुम्मासं, पसन्नो सेहि पाणिभि॥
Adaṃ buddhāna kummāsaṃ, pasanno sehi pāṇibhi.
१४८.
148.
तस्स कम्मस्स कुसलस्स, इदं मे एदिसं फलं।
Tassa kammassa kusalassa, idaṃ me edisaṃ phalaṃ;
अनुभोमि इदं रज्जं, फीतं धरणिमुत्तमं॥
Anubhomi idaṃ rajjaṃ, phītaṃ dharaṇimuttamaṃ.
१४९.
149.
ददं भुञ्ज मा च पमादो 7, चक्कं वत्तय कोसलाधिप।
Dadaṃ bhuñja mā ca pamādo 8, cakkaṃ vattaya kosalādhipa;
मा राज अधम्मिको अहु, धम्मं पालय कोसलाधिप॥
Mā rāja adhammiko ahu, dhammaṃ pālaya kosalādhipa.
१५०.
150.
सोहं तदेव पुनप्पुनं, वटुमं आचरिस्सामि सोभने।
Sohaṃ tadeva punappunaṃ, vaṭumaṃ ācarissāmi sobhane;
अरियाचरितं सुकोसले, अरहन्तो मे मनापाव पस्सितुं॥
Ariyācaritaṃ sukosale, arahanto me manāpāva passituṃ.
१५१.
151.
देवी विय अच्छरूपमा, मज्झे नारिगणस्स सोभसि।
Devī viya accharūpamā, majjhe nārigaṇassa sobhasi;
किं कम्ममकासि भद्दकं, केनासि वण्णवती सुकोसले॥
Kiṃ kammamakāsi bhaddakaṃ, kenāsi vaṇṇavatī sukosale.
१५२.
152.
अम्बट्ठकुलस्स खत्तिय, दास्याहं परपेसिया अहुं।
Ambaṭṭhakulassa khattiya, dāsyāhaṃ parapesiyā ahuṃ;
१५३.
153.
उद्धटभत्तं अहं तदा, चरमानस्स अदासि भिक्खुनो।
Uddhaṭabhattaṃ ahaṃ tadā, caramānassa adāsi bhikkhuno;
वित्ता सुमना सयं अहं, तस्स कम्मस्स फलं ममेदिसन्ति॥
Vittā sumanā sayaṃ ahaṃ, tassa kammassa phalaṃ mamedisanti.
कुम्मासपिण्डिजातकं दसमं।
Kummāsapiṇḍijātakaṃ dasamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४१५] १०. कुम्मासपिण्डिजातकवण्णना • [415] 10. Kummāsapiṇḍijātakavaṇṇanā
