| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. කුම්මාසදායකත්ථෙරඅපදානං
5. Kummāsadāyakattheraapadānaṃ
51.
51.
‘‘එසනාය චරන්තස්ස, විපස්සිස්ස මහෙසිනො;
‘‘Esanāya carantassa, vipassissa mahesino;
රිත්තකං පත්තං දිස්වාන, කුම්මාසං පූරයිං අහං.
Rittakaṃ pattaṃ disvāna, kummāsaṃ pūrayiṃ ahaṃ.
52.
52.
‘‘එකනවුතිතො කප්පෙ, යං භික්ඛං අදදිං තදා;
‘‘Ekanavutito kappe, yaṃ bhikkhaṃ adadiṃ tadā;
දුග්ගතිං නාභිජානාමි, කුම්මාසස්ස ඉදං ඵලං.
Duggatiṃ nābhijānāmi, kummāsassa idaṃ phalaṃ.
53.
53.
‘‘කිලෙසා ඣාපිතා මය්හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
54.
54.
‘‘ස්වාගතං වත මෙ ආසි…පෙ.… කතං බුද්ධස්ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
55.
55.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා කුම්මාසදායකො ථෙරො ඉමා ගාථායො
Itthaṃ sudaṃ āyasmā kummāsadāyako thero imā gāthāyo
අභාසිත්ථාති.
Abhāsitthāti.
කුම්මාසදායකත්ථෙරස්සාපදානං පඤ්චමං.
Kummāsadāyakattherassāpadānaṃ pañcamaṃ.
