| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৭. কুম্ভসুত্তং
7. Kumbhasuttaṃ
২৭. সাৰত্থিনিদানং । ‘‘সেয্যথাপি, ভিক্খৰে, কুম্ভো অনাধারো সুপ্পৰত্তিযো হোতি, সাধারো দুপ্পৰত্তিযো হোতি; এৰমেৰ খো, ভিক্খৰে, চিত্তং অনাধারং সুপ্পৰত্তিযং হোতি, সাধারং দুপ্পৰত্তিযং হোতি। কো চ, ভিক্খৰে, চিত্তস্স আধারো? অযমেৰ অরিযো অট্ঠঙ্গিকো মগ্গো, সেয্যথিদং – সম্মাদিট্ঠি…পে॰… সম্মাসমাধি। অযং চিত্তস্স আধারো। সেয্যথাপি, ভিক্খৰে, কুম্ভো অনাধারো সুপ্পৰত্তিযো হোতি, সাধারো দুপ্পৰত্তিযো হোতি; এৰমেৰ খো, ভিক্খৰে, চিত্তং অনাধারং সুপ্পৰত্তিযং হোতি, সাধারং দুপ্পৰত্তিযং হোতী’’তি। সত্তমং।
27. Sāvatthinidānaṃ . ‘‘Seyyathāpi, bhikkhave, kumbho anādhāro suppavattiyo hoti, sādhāro duppavattiyo hoti; evameva kho, bhikkhave, cittaṃ anādhāraṃ suppavattiyaṃ hoti, sādhāraṃ duppavattiyaṃ hoti. Ko ca, bhikkhave, cittassa ādhāro? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ cittassa ādhāro. Seyyathāpi, bhikkhave, kumbho anādhāro suppavattiyo hoti, sādhāro duppavattiyo hoti; evameva kho, bhikkhave, cittaṃ anādhāraṃ suppavattiyaṃ hoti, sādhāraṃ duppavattiyaṃ hotī’’ti. Sattamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. মিচ্ছত্তৰগ্গৰণ্ণনা • 3. Micchattavaggavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. মিচ্ছত্তৰগ্গৰণ্ণনা • 3. Micchattavaggavaṇṇanā
