| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. ကုမ္ဘဏ္ဍသုတ္တဝဏ္ဏနာ
10. Kumbhaṇḍasuttavaṇṇanā
၂၁၁. အဏ္ဍဘာရိဝတ္ထုသ္မိံ ဂာမကူဋကောတိ ဝိနိစ္ဆယာမစ္စော။ တသ္သ ကမ္မသဘာဂတာယ ကုမ္ဘမတ္တာ မဟာဃဋပ္ပမာဏာ အဏ္ဍာ အဟေသုံ။ သော ဟိ ယသ္မာ ရဟော ပဋိစ္ဆန္နေ ဌာနေ လဉ္ဇံ ဂဟေတ္ဝာ ကူဋဝိနိစ္ဆယေန ပာကဋံ ဒောသံ ကရောန္တော သာမိကေ အသ္သာမိကေ အကာသိ, တသ္မာသ္သ ရဟသ္သံ အင္ဂံ ပာကဋံ နိဗ္ဗတ္တံ။ ယသ္မာ ဒဏ္ဍံ ပဋ္ဌပေန္တော ပရေသံ အသယ္ဟံ ဘာရံ အာရောပေသိ, တသ္မာသ္သ ရဟသ္သံ အင္ဂံ အသယ္ဟဘာရော ဟုတ္ဝာ နိဗ္ဗတ္တံ။ ယသ္မာ ယသ္မိံ ဌာနေ ဌိတေန သမေန ဘဝိတဗ္ဗံ, တသ္မိံ ဌတ္ဝာ ဝိသမော အဟောသိ, တသ္မာသ္သ ရဟသ္သင္ဂေ ဝိသမာ နိသဇ္ဇာဝ အဟောသီတိ။ ဒသမံ။
211. Aṇḍabhārivatthusmiṃ gāmakūṭakoti vinicchayāmacco. Tassa kammasabhāgatāya kumbhamattā mahāghaṭappamāṇā aṇḍā ahesuṃ. So hi yasmā raho paṭicchanne ṭhāne lañjaṃ gahetvā kūṭavinicchayena pākaṭaṃ dosaṃ karonto sāmike assāmike akāsi, tasmāssa rahassaṃ aṅgaṃ pākaṭaṃ nibbattaṃ. Yasmā daṇḍaṃ paṭṭhapento paresaṃ asayhaṃ bhāraṃ āropesi, tasmāssa rahassaṃ aṅgaṃ asayhabhāro hutvā nibbattaṃ. Yasmā yasmiṃ ṭhāne ṭhitena samena bhavitabbaṃ, tasmiṃ ṭhatvā visamo ahosi, tasmāssa rahassaṅge visamā nisajjāva ahosīti. Dasamaṃ.
ပဌမော ဝဂ္ဂော။
Paṭhamo vaggo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ကုမ္ဘဏ္ဍသုတ္တံ • 10. Kumbhaṇḍasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ကုမ္ဘဏ္ဍသုတ္တဝဏ္ဏနာ • 10. Kumbhaṇḍasuttavaṇṇanā
