| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
१०. कुम्भण्डसुत्तं
10. Kumbhaṇḍasuttaṃ
२११. ‘‘इधाहं, आवुसो, गिज्झकूटा पब्बता ओरोहन्तो अद्दसं कुम्भण्डं पुरिसं वेहासं गच्छन्तं। सो गच्छन्तोपि तेव अण्डे खन्धे आरोपेत्वा गच्छति। निसीदन्तोपि तेस्वेव अण्डेसु निसीदति। तमेनं गिज्झापि काकापि कुललापि अनुपतित्वा अनुपतित्वा वितच्छेन्ति विराजेन्ति। सो सुदं अट्टस्सरं करोति…पे॰… एसो, भिक्खवे, सत्तो इमस्मिंयेव राजगहे गामकूटको अहोसि…पे॰…। दसमं।
211. ‘‘Idhāhaṃ, āvuso, gijjhakūṭā pabbatā orohanto addasaṃ kumbhaṇḍaṃ purisaṃ vehāsaṃ gacchantaṃ. So gacchantopi teva aṇḍe khandhe āropetvā gacchati. Nisīdantopi tesveva aṇḍesu nisīdati. Tamenaṃ gijjhāpi kākāpi kulalāpi anupatitvā anupatitvā vitacchenti virājenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe gāmakūṭako ahosi…pe…. Dasamaṃ.
पठमो वग्गो।
Paṭhamo vaggo.
तस्सुद्दानं –
Tassuddānaṃ –
अट्ठि पेसि उभो गावघातका,
Aṭṭhi pesi ubho gāvaghātakā,
पिण्डो साकुणियो निच्छवोरब्भि।
Piṇḍo sākuṇiyo nicchavorabbhi;
असि सूकरिको सत्तिमागवि,
Asi sūkariko sattimāgavi,
उसु कारणिको सूचि सारथि।
Usu kāraṇiko sūci sārathi;
यो च सिब्बियति सूचको हि सो,
Yo ca sibbiyati sūcako hi so,
अण्डभारि अहु गामकूटकोति॥
Aṇḍabhāri ahu gāmakūṭakoti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १०. कुम्भण्डसुत्तवण्णना • 10. Kumbhaṇḍasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १०. कुम्भण्डसुत्तवण्णना • 10. Kumbhaṇḍasuttavaṇṇanā
