| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১০. কুম্ভণ্ডসুত্তং
10. Kumbhaṇḍasuttaṃ
২১১. ‘‘ইধাহং, আৰুসো, গিজ্ঝকূটা পব্বতা ওরোহন্তো অদ্দসং কুম্ভণ্ডং পুরিসং ৰেহাসং গচ্ছন্তং। সো গচ্ছন্তোপি তেৰ অণ্ডে খন্ধে আরোপেত্ৰা গচ্ছতি। নিসীদন্তোপি তেস্ৰেৰ অণ্ডেসু নিসীদতি। তমেনং গিজ্ঝাপি কাকাপি কুললাপি অনুপতিত্ৰা অনুপতিত্ৰা ৰিতচ্ছেন্তি ৰিরাজেন্তি। সো সুদং অট্টস্সরং করোতি…পে॰… এসো, ভিক্খৰে, সত্তো ইমস্মিংযেৰ রাজগহে গামকূটকো অহোসি…পে॰…। দসমং।
211. ‘‘Idhāhaṃ, āvuso, gijjhakūṭā pabbatā orohanto addasaṃ kumbhaṇḍaṃ purisaṃ vehāsaṃ gacchantaṃ. So gacchantopi teva aṇḍe khandhe āropetvā gacchati. Nisīdantopi tesveva aṇḍesu nisīdati. Tamenaṃ gijjhāpi kākāpi kulalāpi anupatitvā anupatitvā vitacchenti virājenti. So sudaṃ aṭṭassaraṃ karoti…pe… eso, bhikkhave, satto imasmiṃyeva rājagahe gāmakūṭako ahosi…pe…. Dasamaṃ.
পঠমো ৰগ্গো।
Paṭhamo vaggo.
তস্সুদ্দানং –
Tassuddānaṃ –
অট্ঠি পেসি উভো গাৰঘাতকা,
Aṭṭhi pesi ubho gāvaghātakā,
পিণ্ডো সাকুণিযো নিচ্ছৰোরব্ভি।
Piṇḍo sākuṇiyo nicchavorabbhi;
অসি সূকরিকো সত্তিমাগৰি,
Asi sūkariko sattimāgavi,
উসু কারণিকো সূচি সারথি।
Usu kāraṇiko sūci sārathi;
যো চ সিব্বিযতি সূচকো হি সো,
Yo ca sibbiyati sūcako hi so,
অণ্ডভারি অহু গামকূটকোতি॥
Aṇḍabhāri ahu gāmakūṭakoti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. কুম্ভণ্ডসুত্তৰণ্ণনা • 10. Kumbhaṇḍasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১০. কুম্ভণ্ডসুত্তৰণ্ণনা • 10. Kumbhaṇḍasuttavaṇṇanā
