| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤០៨. កុម្ភការជាតកំ (៧-២-៣)
408. Kumbhakārajātakaṃ (7-2-3)
៩០.
90.
អម្ពាហមទ្ទំ វនមន្តរស្មិំ, នីលោភាសំ ផលិតំ 1 សំវិរូឡ្ហំ;
Ambāhamaddaṃ vanamantarasmiṃ, nīlobhāsaṃ phalitaṃ 2 saṃvirūḷhaṃ;
តមទ្ទសំ ផលហេតុ វិភគ្គំ, តំ ទិស្វា ភិក្ខាចរិយំ ចរាមិ។
Tamaddasaṃ phalahetu vibhaggaṃ, taṃ disvā bhikkhācariyaṃ carāmi.
៩១.
91.
សេលំ សុមដ្ឋំ នរវីរនិដ្ឋិតំ 3, នារី យុគំ ធារយិ អប្បសទ្ទំ;
Selaṃ sumaṭṭhaṃ naravīraniṭṭhitaṃ 4, nārī yugaṃ dhārayi appasaddaṃ;
ទុតិយញ្ច អាគម្ម អហោសិ សទ្ទោ, តំ ទិស្វា ភិក្ខាចរិយំ ចរាមិ។
Dutiyañca āgamma ahosi saddo, taṃ disvā bhikkhācariyaṃ carāmi.
៩២.
92.
ទិជា ទិជំ កុណបមាហរន្តំ, ឯកំ សមានំ ពហុកា សមេច្ច;
Dijā dijaṃ kuṇapamāharantaṃ, ekaṃ samānaṃ bahukā samecca;
អាហារហេតូ បរិបាតយិំសុ, តំ ទិស្វា ភិក្ខាចរិយំ ចរាមិ។
Āhārahetū paripātayiṃsu, taṃ disvā bhikkhācariyaṃ carāmi.
៩៣.
93.
ឧសភាហមទ្ទំ យូថស្ស មជ្ឈេ, ចលក្កកុំ វណ្ណពលូបបន្នំ;
Usabhāhamaddaṃ yūthassa majjhe, calakkakuṃ vaṇṇabalūpapannaṃ;
តមទ្ទសំ កាមហេតុ វិតុន្នំ, តំ ទិស្វា ភិក្ខាចរិយំ ចរាមិ។
Tamaddasaṃ kāmahetu vitunnaṃ, taṃ disvā bhikkhācariyaṃ carāmi.
៩៤.
94.
និមិរាជា វិទេហានំ, បញ្ចាលានញ្ច ទុម្មុខោ;
Nimirājā videhānaṃ, pañcālānañca dummukho;
ឯតេ រដ្ឋានិ ហិត្វាន, បព្ពជិំសុ អកិញ្ចនា។
Ete raṭṭhāni hitvāna, pabbajiṃsu akiñcanā.
៩៥.
95.
សព្ពេបិមេ ទេវសមា សមាគតា, អគ្គី យថា បជ្ជលិតោ តថេវិមេ;
Sabbepime devasamā samāgatā, aggī yathā pajjalito tathevime;
អហម្បិ ឯកោ ចរិស្សាមិ ភគ្គវិ, ហិត្វាន កាមានិ យថោធិកានិ។
Ahampi eko carissāmi bhaggavi, hitvāna kāmāni yathodhikāni.
៩៦.
96.
អយមេវ កាលោ ន ហិ អញ្ញោ អត្ថិ, អនុសាសិតា មេ ន ភវេយ្យ បច្ឆា;
Ayameva kālo na hi añño atthi, anusāsitā me na bhaveyya pacchā;
អហម្បិ ឯកា ចរិស្សាមិ ភគ្គវ, សកុណីវ មុត្តា បុរិសស្ស ហត្ថា។
Ahampi ekā carissāmi bhaggava, sakuṇīva muttā purisassa hatthā.
៩៧.
97.
អាមំ បក្កញ្ច ជានន្តិ, អថោ លោណំ អលោណកំ;
Āmaṃ pakkañca jānanti, atho loṇaṃ aloṇakaṃ;
តមហំ ទិស្វាន បព្ពជិំ, ចរេវ ត្វំ ចរាមហន្តិ។
Tamahaṃ disvāna pabbajiṃ, careva tvaṃ carāmahanti.
កុម្ភការជាតកំ តតិយំ។
Kumbhakārajātakaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤០៨] ៣. កុម្ភការជាតកវណ្ណនា • [408] 3. Kumbhakārajātakavaṇṇanā
