| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
(၁၂) ၂. အန္ဓကဝိန္ဒဝဂ္ဂော
(12) 2. Andhakavindavaggo
၁. ကုလူပကသုတ္တဝဏ္ဏနာ
1. Kulūpakasuttavaṇṇanā
၁၁၁. ဒုတိယသ္သ ပဌမေ အသန္ထဝဝိသ္သာသီတိ အတ္တနာ သဒ္ဓိံ သန္ထဝံ အကရောန္တေသု ဝိသ္သာသံ အနာပဇ္ဇန္တေသုယေဝ ဝိသ္သာသံ ကရောတိ။ အနိသ္သရဝိကပ္ပီတိ အနိသ္သရောဝ သမာနော ‘‘ဣမံ ဒေထ, ဣမံ ဂဏ္ဟထာ’’တိ ဣသ္သရော ဝိယ ဝိကပ္ပေတိ။ ဝိသ္သဋ္ဌုပသေဝီတိ ဝိသ္သဋ္ဌာနိ ဘိန္နကုလာနိ ဃဋနတ္ထာယ ဥပသေဝတိ။ ဥပကဏ္ဏကဇပ္ပီတိ ကဏ္ဏမူလေ မန္တံ ဂဏ္ဟာတိ။ သုက္ကပက္ခော ဝုတ္တဝိပရိယာယေန ဝေဒိတဗ္ဗော။
111. Dutiyassa paṭhame asanthavavissāsīti attanā saddhiṃ santhavaṃ akarontesu vissāsaṃ anāpajjantesuyeva vissāsaṃ karoti. Anissaravikappīti anissarova samāno ‘‘imaṃ detha, imaṃ gaṇhathā’’ti issaro viya vikappeti. Vissaṭṭhupasevīti vissaṭṭhāni bhinnakulāni ghaṭanatthāya upasevati. Upakaṇṇakajappīti kaṇṇamūle mantaṃ gaṇhāti. Sukkapakkho vuttavipariyāyena veditabbo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. ကုလူပကသုတ္တံ • 1. Kulūpakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၄. ကုလူပကသုတ္တာဒိဝဏ္ဏနာ • 1-4. Kulūpakasuttādivaṇṇanā
