| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๔. กุลฺลเตฺถรคาถา
4. Kullattheragāthā
๓๙๓.
393.
‘‘กุโลฺล สิวถิกํ คนฺตฺวา, อทฺทส อิตฺถิมุชฺฌิตํ;
‘‘Kullo sivathikaṃ gantvā, addasa itthimujjhitaṃ;
อปวิทฺธํ สุสานสฺมิํ, ขชฺชนฺติํ กิมิหี ผุฎํฯ
Apaviddhaṃ susānasmiṃ, khajjantiṃ kimihī phuṭaṃ.
๓๙๔.
394.
‘‘อาตุรํ อสุจิํ ปูติํ, ปสฺส กุลฺล สมุสฺสยํ;
‘‘Āturaṃ asuciṃ pūtiṃ, passa kulla samussayaṃ;
อุคฺฆรนฺตํ ปคฺฆรนฺตํ, พาลานํ อภินนฺทิตํฯ
Uggharantaṃ paggharantaṃ, bālānaṃ abhinanditaṃ.
๓๙๕.
395.
‘‘ธมฺมาทาสํ คเหตฺวาน, ญาณทสฺสนปตฺติยา;
‘‘Dhammādāsaṃ gahetvāna, ñāṇadassanapattiyā;
ปจฺจเวกฺขิํ อิมํ กายํ, ตุจฺฉํ สนฺตรพาหิรํฯ
Paccavekkhiṃ imaṃ kāyaṃ, tucchaṃ santarabāhiraṃ.
๓๙๖.
396.
‘‘ยถา อิทํ ตถา เอตํ, ยถา เอตํ ตถา อิทํ;
‘‘Yathā idaṃ tathā etaṃ, yathā etaṃ tathā idaṃ;
ยถา อโธ ตถา อุทฺธํ, ยถา อุทฺธํ ตถา อโธฯ
Yathā adho tathā uddhaṃ, yathā uddhaṃ tathā adho.
๓๙๗.
397.
‘‘ยถา ทิวา ตถา รตฺติํ, ยถา รตฺติํ ตถา ทิวา;
‘‘Yathā divā tathā rattiṃ, yathā rattiṃ tathā divā;
ยถา ปุเร ตถา ปจฺฉา, ยถา ปจฺฉา ตถา ปุเรฯ
Yathā pure tathā pacchā, yathā pacchā tathā pure.
๓๙๘.
398.
‘‘ปญฺจงฺคิเกน ตุริเยน, น รตี โหติ ตาทิสี;
‘‘Pañcaṅgikena turiyena, na ratī hoti tādisī;
ยถา เอกคฺคจิตฺตสฺส, สมฺมา ธมฺมํ วิปสฺสโต’’ติฯ
Yathā ekaggacittassa, sammā dhammaṃ vipassato’’ti.
… กุโลฺล เถโร…ฯ
… Kullo thero….
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๔. กุลฺลเตฺถรคาถาวณฺณนา • 4. Kullattheragāthāvaṇṇanā
