| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၆. ကုလာဝကသုတ္တဝဏ္ဏနာ
6. Kulāvakasuttavaṇṇanā
၂၅၂. ရထသဒ္ဒောတိ ရထာလင္ကာရဘူတာနံ ကိင္ကိဏိကဇာလာဒီနံ သဒ္ဒော။ တထာ ဓဇသဒ္ဒော။ အာဇာနီယသဒ္ဒောတိ အာဇာနီယာနံ ဟသိတသဒ္ဒော စ။ ကရုဏာသမာဝဇ္ဇိတဟဒယောတိ ပာဏာနံ အနုပရောဓေန ပဏာမိတစိတ္တော။ ဤသာမုခေနာတိ ရထကပ္ပရမုခေန။ ပုညပစ္စယနိဗ္ဗတ္တောတိ ဥဠာရံ သုဝိပုလံ ပုညံ ပစ္စယံ ကတ္ဝာ နိဗ္ဗတ္တော။ န သဇ္ဇတိ ကတ္ထစိ အပ္ပဋိဃဋ္ဋနေန ဂစ္ဆန္တော။ သိမ္ဗလိဝနေနာတိ သိမ္ဗလိဝနမဇ္ဈေန ။ ဝိဘဂ္ဂံ နိမ္မထိတန္တိ ဣတော စိတော ဝိဘဂ္ဂဉ္စေဝ နိရဝသေသတော မထိတဉ္စ ဟောတိ။
252.Rathasaddoti rathālaṅkārabhūtānaṃ kiṅkiṇikajālādīnaṃ saddo. Tathā dhajasaddo. Ājānīyasaddoti ājānīyānaṃ hasitasaddo ca. Karuṇāsamāvajjitahadayoti pāṇānaṃ anuparodhena paṇāmitacitto. Īsāmukhenāti rathakapparamukhena. Puññapaccayanibbattoti uḷāraṃ suvipulaṃ puññaṃ paccayaṃ katvā nibbatto. Na sajjati katthaci appaṭighaṭṭanena gacchanto. Simbalivanenāti simbalivanamajjhena . Vibhaggaṃ nimmathitanti ito cito vibhaggañceva niravasesato mathitañca hoti.
ကုလာဝကသုတ္တဝဏ္ဏနာ နိဋ္ဌိတာ။
Kulāvakasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. ကုလာဝကသုတ္တံ • 6. Kulāvakasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. ကုလာဝကသုတ္တဝဏ္ဏနာ • 6. Kulāvakasuttavaṇṇanā
