| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. குலாவகஸுத்தவண்ணனா
6. Kulāvakasuttavaṇṇanā
252. ரத²ஸத்³தோ³தி ரதா²லங்காரபூ⁴தானங் கிங்கிணிகஜாலாதீ³னங் ஸத்³தோ³. ததா² த⁴ஜஸத்³தோ³. ஆஜானீயஸத்³தோ³தி ஆஜானீயானங் ஹஸிதஸத்³தோ³ ச. கருணாஸமாவஜ்ஜிதஹத³யோதி பாணானங் அனுபரோதே⁴ன பணாமிதசித்தோ. ஈஸாமுகே²னாதி ரத²கப்பரமுகே²ன. புஞ்ஞபச்சயனிப்³ப³த்தோதி உளாரங் ஸுவிபுலங் புஞ்ஞங் பச்சயங் கத்வா நிப்³ப³த்தோ. ந ஸஜ்ஜதி கத்த²சி அப்படிக⁴ட்டனேன க³ச்ச²ந்தோ. ஸிம்ப³லிவனேனாதி ஸிம்ப³லிவனமஜ்ஜே²ன . விப⁴க்³க³ங் நிம்மதி²தந்தி இதோ சிதோ விப⁴க்³க³ஞ்சேவ நிரவஸேஸதோ மதி²தஞ்ச ஹோதி.
252.Rathasaddoti rathālaṅkārabhūtānaṃ kiṅkiṇikajālādīnaṃ saddo. Tathā dhajasaddo. Ājānīyasaddoti ājānīyānaṃ hasitasaddo ca. Karuṇāsamāvajjitahadayoti pāṇānaṃ anuparodhena paṇāmitacitto. Īsāmukhenāti rathakapparamukhena. Puññapaccayanibbattoti uḷāraṃ suvipulaṃ puññaṃ paccayaṃ katvā nibbatto. Na sajjati katthaci appaṭighaṭṭanena gacchanto. Simbalivanenāti simbalivanamajjhena . Vibhaggaṃ nimmathitanti ito cito vibhaggañceva niravasesato mathitañca hoti.
குலாவகஸுத்தவண்ணனா நிட்டி²தா.
Kulāvakasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. குலாவகஸுத்தங் • 6. Kulāvakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. குலாவகஸுத்தவண்ணனா • 6. Kulāvakasuttavaṇṇanā
