| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੬. ਕੁਲਾવਕਸੁਤ੍ਤਂ
6. Kulāvakasuttaṃ
੨੫੨. ਸਾવਤ੍ਥਿਯਂ। ‘‘ਭੂਤਪੁਬ੍ਬਂ, ਭਿਕ੍ਖવੇ, ਦੇવਾਸੁਰਸਙ੍ਗਾਮੋ ਸਮੁਪਬ੍ਯੂਲ਼੍ਹੋ ਅਹੋਸਿ। ਤਸ੍ਮਿਂ ਖੋ ਪਨ, ਭਿਕ੍ਖવੇ, ਸਙ੍ਗਾਮੇ ਅਸੁਰਾ ਜਿਨਿਂਸੁ , ਦੇવਾ ਪਰਾਜਿਨਿਂਸੁ। ਪਰਾਜਿਤਾ ਚ ਖੋ, ਭਿਕ੍ਖવੇ, ਦੇવਾ ਅਪਾਯਂਸ੍વੇવ ਉਤ੍ਤਰੇਨਮੁਖਾ, ਅਭਿਯਂਸ੍વੇવ ਨੇ ਅਸੁਰਾ। ਅਥ ਖੋ, ਭਿਕ੍ਖવੇ, ਸਕ੍ਕੋ ਦੇવਾਨਮਿਨ੍ਦੋ ਮਾਤਲਿ ਸਙ੍ਗਾਹਕਂ ਗਾਥਾਯ ਅਜ੍ਝਭਾਸਿ –
252. Sāvatthiyaṃ. ‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme asurā jiniṃsu , devā parājiniṃsu. Parājitā ca kho, bhikkhave, devā apāyaṃsveva uttarenamukhā, abhiyaṃsveva ne asurā. Atha kho, bhikkhave, sakko devānamindo mātali saṅgāhakaṃ gāthāya ajjhabhāsi –
‘‘ਕੁਲਾવਕਾ ਮਾਤਲਿ ਸਿਮ੍ਬਲਿਸ੍ਮਿਂ,
‘‘Kulāvakā mātali simbalismiṃ,
ਈਸਾਮੁਖੇਨ ਪਰਿવਜ੍ਜਯਸ੍ਸੁ।
Īsāmukhena parivajjayassu;
ਕਾਮਂ ਚਜਾਮ ਅਸੁਰੇਸੁ ਪਾਣਂ,
Kāmaṃ cajāma asuresu pāṇaṃ,
‘‘‘ਏવਂ ਭਦ੍ਦਨ੍ਤવਾ’ਤਿ ਖੋ, ਭਿਕ੍ਖવੇ, ਮਾਤਲਿ ਸਙ੍ਗਾਹਕੋ ਸਕ੍ਕਸ੍ਸ ਦੇવਾਨਮਿਨ੍ਦਸ੍ਸ ਪਟਿਸ੍ਸੁਤ੍વਾ ਸਹਸ੍ਸਯੁਤ੍ਤਂ ਆਜਞ੍ਞਰਥਂ ਪਚ੍ਚੁਦਾવਤ੍ਤੇਸਿ। ਅਥ ਖੋ, ਭਿਕ੍ਖવੇ, ਅਸੁਰਾਨਂ ਏਤਦਹੋਸਿ – ‘ਪਚ੍ਚੁਦਾવਤ੍ਤੋ ਖੋ ਦਾਨਿ ਸਕ੍ਕਸ੍ਸ ਦੇવਾਨਮਿਨ੍ਦਸ੍ਸ ਸਹਸ੍ਸਯੁਤ੍ਤੋ ਆਜਞ੍ਞਰਥੋ । ਦੁਤਿਯਮ੍ਪਿ ਖੋ ਦੇવਾ ਅਸੁਰੇਹਿ ਸਙ੍ਗਾਮੇਸ੍ਸਨ੍ਤੀਤਿ ਭੀਤਾ ਅਸੁਰਪੁਰਮੇવ ਪਾવਿਸਿਂਸੁ। ਇਤਿ ਖੋ, ਭਿਕ੍ਖવੇ, ਸਕ੍ਕਸ੍ਸ ਦੇવਾਨਮਿਨ੍ਦਸ੍ਸ ਧਮ੍ਮੇਨ ਜਯੋ ਅਹੋਸੀ’’’ਤਿ।
‘‘‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ paccudāvattesi. Atha kho, bhikkhave, asurānaṃ etadahosi – ‘paccudāvatto kho dāni sakkassa devānamindassa sahassayutto ājaññaratho . Dutiyampi kho devā asurehi saṅgāmessantīti bhītā asurapurameva pāvisiṃsu. Iti kho, bhikkhave, sakkassa devānamindassa dhammena jayo ahosī’’’ti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਕੁਲਾવਕਸੁਤ੍ਤવਣ੍ਣਨਾ • 6. Kulāvakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਕੁਲਾવਕਸੁਤ੍ਤવਣ੍ਣਨਾ • 6. Kulāvakasuttavaṇṇanā
