| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೬. ಕುಲಾವಕಸುತ್ತಂ
6. Kulāvakasuttaṃ
೨೫೨. ಸಾವತ್ಥಿಯಂ। ‘‘ಭೂತಪುಬ್ಬಂ, ಭಿಕ್ಖವೇ, ದೇವಾಸುರಸಙ್ಗಾಮೋ ಸಮುಪಬ್ಯೂಳ್ಹೋ ಅಹೋಸಿ। ತಸ್ಮಿಂ ಖೋ ಪನ, ಭಿಕ್ಖವೇ, ಸಙ್ಗಾಮೇ ಅಸುರಾ ಜಿನಿಂಸು , ದೇವಾ ಪರಾಜಿನಿಂಸು। ಪರಾಜಿತಾ ಚ ಖೋ, ಭಿಕ್ಖವೇ, ದೇವಾ ಅಪಾಯಂಸ್ವೇವ ಉತ್ತರೇನಮುಖಾ, ಅಭಿಯಂಸ್ವೇವ ನೇ ಅಸುರಾ। ಅಥ ಖೋ, ಭಿಕ್ಖವೇ, ಸಕ್ಕೋ ದೇವಾನಮಿನ್ದೋ ಮಾತಲಿ ಸಙ್ಗಾಹಕಂ ಗಾಥಾಯ ಅಜ್ಝಭಾಸಿ –
252. Sāvatthiyaṃ. ‘‘Bhūtapubbaṃ, bhikkhave, devāsurasaṅgāmo samupabyūḷho ahosi. Tasmiṃ kho pana, bhikkhave, saṅgāme asurā jiniṃsu , devā parājiniṃsu. Parājitā ca kho, bhikkhave, devā apāyaṃsveva uttarenamukhā, abhiyaṃsveva ne asurā. Atha kho, bhikkhave, sakko devānamindo mātali saṅgāhakaṃ gāthāya ajjhabhāsi –
‘‘ಕುಲಾವಕಾ ಮಾತಲಿ ಸಿಮ್ಬಲಿಸ್ಮಿಂ,
‘‘Kulāvakā mātali simbalismiṃ,
ಈಸಾಮುಖೇನ ಪರಿವಜ್ಜಯಸ್ಸು।
Īsāmukhena parivajjayassu;
ಕಾಮಂ ಚಜಾಮ ಅಸುರೇಸು ಪಾಣಂ,
Kāmaṃ cajāma asuresu pāṇaṃ,
‘‘‘ಏವಂ ಭದ್ದನ್ತವಾ’ತಿ ಖೋ, ಭಿಕ್ಖವೇ, ಮಾತಲಿ ಸಙ್ಗಾಹಕೋ ಸಕ್ಕಸ್ಸ ದೇವಾನಮಿನ್ದಸ್ಸ ಪಟಿಸ್ಸುತ್ವಾ ಸಹಸ್ಸಯುತ್ತಂ ಆಜಞ್ಞರಥಂ ಪಚ್ಚುದಾವತ್ತೇಸಿ। ಅಥ ಖೋ, ಭಿಕ್ಖವೇ, ಅಸುರಾನಂ ಏತದಹೋಸಿ – ‘ಪಚ್ಚುದಾವತ್ತೋ ಖೋ ದಾನಿ ಸಕ್ಕಸ್ಸ ದೇವಾನಮಿನ್ದಸ್ಸ ಸಹಸ್ಸಯುತ್ತೋ ಆಜಞ್ಞರಥೋ । ದುತಿಯಮ್ಪಿ ಖೋ ದೇವಾ ಅಸುರೇಹಿ ಸಙ್ಗಾಮೇಸ್ಸನ್ತೀತಿ ಭೀತಾ ಅಸುರಪುರಮೇವ ಪಾವಿಸಿಂಸು। ಇತಿ ಖೋ, ಭಿಕ್ಖವೇ, ಸಕ್ಕಸ್ಸ ದೇವಾನಮಿನ್ದಸ್ಸ ಧಮ್ಮೇನ ಜಯೋ ಅಹೋಸೀ’’’ತಿ।
‘‘‘Evaṃ bhaddantavā’ti kho, bhikkhave, mātali saṅgāhako sakkassa devānamindassa paṭissutvā sahassayuttaṃ ājaññarathaṃ paccudāvattesi. Atha kho, bhikkhave, asurānaṃ etadahosi – ‘paccudāvatto kho dāni sakkassa devānamindassa sahassayutto ājaññaratho . Dutiyampi kho devā asurehi saṅgāmessantīti bhītā asurapurameva pāvisiṃsu. Iti kho, bhikkhave, sakkassa devānamindassa dhammena jayo ahosī’’’ti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೬. ಕುಲಾವಕಸುತ್ತವಣ್ಣನಾ • 6. Kulāvakasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೬. ಕುಲಾವಕಸುತ್ತವಣ್ಣನಾ • 6. Kulāvakasuttavaṇṇanā
