| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൩. കുലസുത്തവണ്ണനാ
3. Kulasuttavaṇṇanā
൨൨൫. തതിയേ സുപ്പധംസിയാനീതി സുവിഹേഠിയാനി. കുമ്ഭത്ഥേനകേഹീതി യേ പരഘരം പവിസിത്വാ ദീപാലോകേന ഓലോകേത്വാ പരഭണ്ഡം ഹരിതുകാമാ ഘടേ ദീപം കത്വാ പവിസന്തി, തേ കുമ്ഭത്ഥേനകാ നാമ, തേഹി കുമ്ഭത്ഥേനകേഹി. സുപ്പധംസിയോ ഹോതി അമനുസ്സേഹീതി മേത്താഭാവനാരഹിതം പംസുപിസാചകാ വിധംസയന്തി, പഗേവ ഉളാരാ അമനുസ്സാ. ഭാവിതാതി വഡ്ഢിതാ. ബഹുലീകതാതി പുനപ്പുനം കതാ. യാനീകതാതി യുത്തയാനം വിയ കതാ. വത്ഥുകതാതി പതിട്ഠാനട്ഠേന വത്ഥു വിയ കതാ. അനുട്ഠിതാതി അധിട്ഠിതാ . പരിചിതാതി സമന്തതോ ചിതാ സുവഡ്ഢിതാ. സുസമാരദ്ധാതി ചിത്തേന സുട്ഠു സമാരദ്ധാ. തതിയം.
225. Tatiye suppadhaṃsiyānīti suviheṭhiyāni. Kumbhatthenakehīti ye paragharaṃ pavisitvā dīpālokena oloketvā parabhaṇḍaṃ haritukāmā ghaṭe dīpaṃ katvā pavisanti, te kumbhatthenakā nāma, tehi kumbhatthenakehi. Suppadhaṃsiyo hoti amanussehīti mettābhāvanārahitaṃ paṃsupisācakā vidhaṃsayanti, pageva uḷārā amanussā. Bhāvitāti vaḍḍhitā. Bahulīkatāti punappunaṃ katā. Yānīkatāti yuttayānaṃ viya katā. Vatthukatāti patiṭṭhānaṭṭhena vatthu viya katā. Anuṭṭhitāti adhiṭṭhitā . Paricitāti samantato citā suvaḍḍhitā. Susamāraddhāti cittena suṭṭhu samāraddhā. Tatiyaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൩. കുലസുത്തം • 3. Kulasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൩. കുലസുത്തവണ്ണനാ • 3. Kulasuttavaṇṇanā
