| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
២. អនុសយវគ្គោ
2. Anusayavaggo
៣. កុលសុត្តវណ្ណនា
3. Kulasuttavaṇṇanā
១៣. ទុតិយស្ស តតិយេ នាលន្តិ ន យុត្តំ នានុច្ឆវិកំ។ ន មនាបេនាតិ ន មនម្ហិ អប្បនកេន អាការេន និសិន្នាសនតោ បច្ចុដ្ឋេន្តិ, អនាទរមេវ ទស្សេន្តិ។ សន្តមស្ស បរិគុហន្តីតិ វិជ្ជមានម្បិ ទេយ្យធម្មំ ឯតស្ស និគុហន្តិ បដិច្ឆាទេន្តិ។ អសក្កច្ចំ ទេន្តិ នោ សក្កច្ចន្តិ លូខំ វា ហោតុ បណីតំ វា, អសហត្ថា អចិត្តីការេន ទេន្តិ, នោ ចិត្តីការេន។
13. Dutiyassa tatiye nālanti na yuttaṃ nānucchavikaṃ. Na manāpenāti na manamhi appanakena ākārena nisinnāsanato paccuṭṭhenti, anādarameva dassenti. Santamassa pariguhantīti vijjamānampi deyyadhammaṃ etassa niguhanti paṭicchādenti. Asakkaccaṃ denti no sakkaccanti lūkhaṃ vā hotu paṇītaṃ vā, asahatthā acittīkārena denti, no cittīkārena.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៣. កុលសុត្តំ • 3. Kulasuttaṃ
