| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
३. कुलसुत्तवण्णना
3. Kulasuttavaṇṇanā
२२५. विधंसयन्ति विहेठयन्ति। वड्ढिताति भावनापारिपूरिवसेन परिब्रूहिता। पुनप्पुनं कताति भावनाय बहुलीकरणेन अपरापरं पवत्तिता युत्तयानं विय कताति यथा युत्तं आजञ्ञरथं छेकेन सारथिना अधिट्ठितं यथारुचि पवत्तति, एवं यथारुचि पवत्तिया गमिता। पतिट्ठानट्ठेनाति अधिट्ठानट्ठेन। वत्थु विय कता सब्बसो उपक्किलेसविसोधनेन सुविसोधितमरियादं विय कता। अधिट्ठिताति पटिपक्खदूरीभावतो सुभावितभावेन अविकम्पनेय्यताय ठपिता । समन्ततो चिताति सब्बभागेन भावनूपचयं गमिता। तेनाह ‘‘सुवड्ढिता’’ति । सुट्ठु समारद्धाति मेत्ताभावनाय मत्थकप्पत्तिया सम्मदेव सम्पादिता।
225.Vidhaṃsayanti viheṭhayanti. Vaḍḍhitāti bhāvanāpāripūrivasena paribrūhitā. Punappunaṃ katāti bhāvanāya bahulīkaraṇena aparāparaṃ pavattitā yuttayānaṃ viya katāti yathā yuttaṃ ājaññarathaṃ chekena sārathinā adhiṭṭhitaṃ yathāruci pavattati, evaṃ yathāruci pavattiyā gamitā. Patiṭṭhānaṭṭhenāti adhiṭṭhānaṭṭhena. Vatthu viya katā sabbaso upakkilesavisodhanena suvisodhitamariyādaṃ viya katā. Adhiṭṭhitāti paṭipakkhadūrībhāvato subhāvitabhāvena avikampaneyyatāya ṭhapitā . Samantato citāti sabbabhāgena bhāvanūpacayaṃ gamitā. Tenāha ‘‘suvaḍḍhitā’’ti . Suṭṭhu samāraddhāti mettābhāvanāya matthakappattiyā sammadeva sampāditā.
कुलसुत्तवण्णना निट्ठिता।
Kulasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ३. कुलसुत्तं • 3. Kulasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ३. कुलसुत्तवण्णना • 3. Kulasuttavaṇṇanā
