| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೫. ಕುಲಸುತ್ತಂ
5. Kulasuttaṃ
೨೫೮. ‘‘ಯಾನಿ ಕಾನಿಚಿ, ಭಿಕ್ಖವೇ, ಕುಲಾನಿ ಭೋಗೇಸು ಮಹತ್ತಂ ಪತ್ತಾನಿ ನ ಚಿರಟ್ಠಿತಿಕಾನಿ ಭವನ್ತಿ, ಸಬ್ಬಾನಿ ತಾನಿ ಚತೂಹಿ ಠಾನೇಹಿ, ಏತೇಸಂ ವಾ ಅಞ್ಞತರೇನ। ಕತಮೇಹಿ ಚತೂಹಿ? ನಟ್ಠಂ ನ ಗವೇಸನ್ತಿ, ಜಿಣ್ಣಂ ನ ಪಟಿಸಙ್ಖರೋನ್ತಿ, ಅಪರಿಮಿತಪಾನಭೋಜನಾ ಹೋನ್ತಿ, ದುಸ್ಸೀಲಂ ಇತ್ಥಿಂ ವಾ ಪುರಿಸಂ ವಾ ಆಧಿಪಚ್ಚೇ ಠಪೇನ್ತಿ। ಯಾನಿ ಕಾನಿಚಿ, ಭಿಕ್ಖವೇ, ಕುಲಾನಿ ಭೋಗೇಸು ಮಹತ್ತಂ ಪತ್ತಾನಿ ನ ಚಿರಟ್ಠಿತಿಕಾನಿ ಭವನ್ತಿ, ಸಬ್ಬಾನಿ ತಾನಿ ಇಮೇಹಿ ಚತೂಹಿ ಠಾನೇಹಿ , ಏತೇಸಂ ವಾ ಅಞ್ಞತರೇನ।
258. ‘‘Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ na gavesanti, jiṇṇaṃ na paṭisaṅkharonti, aparimitapānabhojanā honti, dussīlaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni na ciraṭṭhitikāni bhavanti, sabbāni tāni imehi catūhi ṭhānehi , etesaṃ vā aññatarena.
‘‘ಯಾನಿ ಕಾನಿಚಿ, ಭಿಕ್ಖವೇ, ಕುಲಾನಿ ಭೋಗೇಸು ಮಹತ್ತಂ ಪತ್ತಾನಿ ಚಿರಟ್ಠಿತಿಕಾನಿ ಭವನ್ತಿ, ಸಬ್ಬಾನಿ ತಾನಿ ಚತೂಹಿ ಠಾನೇಹಿ, ಏತೇಸಂ ವಾ ಅಞ್ಞತರೇನ। ಕತಮೇಹಿ ಚತೂಹಿ? ನಟ್ಠಂ ಗವೇಸನ್ತಿ, ಜಿಣ್ಣಂ ಪಟಿಸಙ್ಖರೋನ್ತಿ, ಪರಿಮಿತಪಾನಭೋಜನಾ ಹೋನ್ತಿ, ಸೀಲವನ್ತಂ ಇತ್ಥಿಂ ವಾ ಪುರಿಸಂ ವಾ ಆಧಿಪಚ್ಚೇ ಠಪೇನ್ತಿ। ಯಾನಿ ಕಾನಿಚಿ, ಭಿಕ್ಖವೇ, ಕುಲಾನಿ ಭೋಗೇಸು ಮಹತ್ತಂ ಪತ್ತಾನಿ ಚಿರಟ್ಠಿತಿಕಾನಿ ಭವನ್ತಿ, ಸಬ್ಬಾನಿ ತಾನಿ ಇಮೇಹಿ ಚತೂಹಿ ಠಾನೇಹಿ, ಏತೇಸಂ ವಾ ಅಞ್ಞತರೇನಾ’’ತಿ। ಪಞ್ಚಮಂ।
‘‘Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni catūhi ṭhānehi, etesaṃ vā aññatarena. Katamehi catūhi? Naṭṭhaṃ gavesanti, jiṇṇaṃ paṭisaṅkharonti, parimitapānabhojanā honti, sīlavantaṃ itthiṃ vā purisaṃ vā ādhipacce ṭhapenti. Yāni kānici, bhikkhave, kulāni bhogesu mahattaṃ pattāni ciraṭṭhitikāni bhavanti, sabbāni tāni imehi catūhi ṭhānehi, etesaṃ vā aññatarenā’’ti. Pañcamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೫-೧೦. ಕುಲಸುತ್ತಾದಿವಣ್ಣನಾ • 5-10. Kulasuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೪-೧೦. ಮಾಲುಕ್ಯಪುತ್ತಸುತ್ತಾದಿವಣ್ಣನಾ • 4-10. Mālukyaputtasuttādivaṇṇanā
