| Library / Tipiṭaka / तिपिटक • Tipiṭaka / कङ्खावितरणी-अभिनव-टीका • Kaṅkhāvitaraṇī-abhinava-ṭīkā |
५. कुलमच्छरिनीसिक्खापदवण्णना
5. Kulamaccharinīsikkhāpadavaṇṇanā
कुले मच्छरो कुलमच्छरोति पुरिमस्मिं पक्खे सकत्थे इनीपच्चयो, तं कुलं अस्सद्धं अप्पसन्नन्ति कुलस्स अगुणं, अयसं वा भासन्तियाति अत्थो। भिक्खुनीनं अवण्णं भासन्तियाति ‘‘भिक्खुनियो दुस्सीला पापधम्मा’’ति (पाचि॰ अट्ठ॰ १०४३) भिक्खुनीनं अगुणं, अयसं वा भासन्तिया।
Kule maccharo kulamaccharoti purimasmiṃ pakkhe sakatthe inīpaccayo, taṃ kulaṃ assaddhaṃ appasannanti kulassa aguṇaṃ, ayasaṃ vā bhāsantiyāti attho. Bhikkhunīnaṃ avaṇṇaṃ bhāsantiyāti ‘‘bhikkhuniyo dussīlā pāpadhammā’’ti (pāci. aṭṭha. 1043) bhikkhunīnaṃ aguṇaṃ, ayasaṃ vā bhāsantiyā.
सन्तंयेव आदीनवन्ति कुलस्स वा भिक्खुनीनं वा सन्तंयेव अगुणं।
Santaṃyevaādīnavanti kulassa vā bhikkhunīnaṃ vā santaṃyeva aguṇaṃ.
कुलमच्छरिनीसिक्खापदवण्णना निट्ठिता।
Kulamaccharinīsikkhāpadavaṇṇanā niṭṭhitā.
