| Library / Tipiṭaka / तिपिटक • Tipiṭaka / जातकपाळि • Jātakapāḷi |
४४८. कुक्कुटजातकं (१०)
448. Kukkuṭajātakaṃ (10)
१०४.
104.
नास्मसे कतपापम्हि, नास्मसे अलिकवादिने।
Nāsmase katapāpamhi, nāsmase alikavādine;
नास्मसे अत्तत्थपञ्ञम्हि, अतिसन्तेपि नास्मसे॥
Nāsmase attatthapaññamhi, atisantepi nāsmase.
१०५.
105.
घसन्ति मञ्ञे मित्तानि, वाचाय न च कम्मुना॥
Ghasanti maññe mittāni, vācāya na ca kammunā.
१०६.
106.
सुक्खञ्जलिपग्गहिता, वाचाय पलिगुण्ठिता।
Sukkhañjalipaggahitā, vācāya paliguṇṭhitā;
मनुस्सफेग्गू नासीदे, यस्मिं नत्थि कतञ्ञुता॥
Manussapheggū nāsīde, yasmiṃ natthi kataññutā.
१०७.
107.
न हि अञ्ञञ्ञचित्तानं, इत्थीनं पुरिसान वा।
Na hi aññaññacittānaṃ, itthīnaṃ purisāna vā;
१०८.
108.
निसितंव पटिच्छन्नं, तादिसम्पि च नास्मसे॥
Nisitaṃva paṭicchannaṃ, tādisampi ca nāsmase.
१०९.
109.
मित्तरूपेनिधेकच्चे, साखल्येन अचेतसा।
Mittarūpenidhekacce, sākhalyena acetasā;
विविधेहि उपायन्ति, तादिसम्पि च नास्मसे॥
Vividhehi upāyanti, tādisampi ca nāsmase.
११०.
110.
आमिसं वा धनं वापि, यत्थ पस्सति तादिसो।
Āmisaṃ vā dhanaṃ vāpi, yattha passati tādiso;
दुब्भिं करोति दुम्मेधो, तञ्च हन्त्वान 9 गच्छति॥
Dubbhiṃ karoti dummedho, tañca hantvāna 10 gacchati.
१११.
111.
मित्तरूपेन बहवो, छन्ना सेवन्ति सत्तवो।
Mittarūpena bahavo, channā sevanti sattavo;
जहे कापुरिसे हेते, कुक्कुटो विय सेनकं॥
Jahe kāpurise hete, kukkuṭo viya senakaṃ.
११२.
112.
अमित्तवसमन्वेति, पच्छा च अनुतप्पति॥
Amittavasamanveti, pacchā ca anutappati.
११३.
113.
यो च उप्पतितं अत्थं, खिप्पमेव निबोधति।
Yo ca uppatitaṃ atthaṃ, khippameva nibodhati;
मुच्चते सत्तुसम्बाधा, कुक्कुटो विय सेनका।
Muccate sattusambādhā, kukkuṭo viya senakā;
११४.
114.
तं तादिसं कूटमिवोड्डितं वने, अधम्मिकं निच्चविधंसकारिनं।
Taṃ tādisaṃ kūṭamivoḍḍitaṃ vane, adhammikaṃ niccavidhaṃsakārinaṃ;
आरा विवज्जेय्य नरो विचक्खणो, सेनं यथा कुक्कुटो वंसकाननेति॥
Ārā vivajjeyya naro vicakkhaṇo, senaṃ yathā kukkuṭo vaṃsakānaneti.
कुक्कुटजातकं दसमं।
Kukkuṭajātakaṃ dasamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४४८] १०. कुक्कुटजातकवण्णना • [448] 10. Kukkuṭajātakavaṇṇanā
