| Library / Tipiṭaka / तिपिटक • Tipiṭaka / जातकपाळि • Jātakapāḷi |
३८३. कुक्कुटजातकं (६-१-८)
383. Kukkuṭajātakaṃ (6-1-8)
५७.
57.
सुचित्तपत्तछदन , तम्बचूळ विहङ्गम।
Sucittapattachadana , tambacūḷa vihaṅgama;
ओरोह दुमसाखाय, मुधा भरिया भवामि ते॥
Oroha dumasākhāya, mudhā bhariyā bhavāmi te.
५८.
58.
चतुप्पदी त्वं कल्याणि, द्विपदाहं मनोरमे।
Catuppadī tvaṃ kalyāṇi, dvipadāhaṃ manorame;
मिगी पक्खी असञ्ञुत्ता, अञ्ञं परियेस सामिकं॥
Migī pakkhī asaññuttā, aññaṃ pariyesa sāmikaṃ.
५९.
59.
कोमारिका ते हेस्सामि, मञ्जुका पियभाणिनी।
Komārikā te hessāmi, mañjukā piyabhāṇinī;
विन्द मं अरियेन वेदेन, सावय मं यदिच्छसि॥
Vinda maṃ ariyena vedena, sāvaya maṃ yadicchasi.
६०.
60.
कुणपादिनि लोहितपे, चोरि कुक्कुटपोथिनि।
Kuṇapādini lohitape, cori kukkuṭapothini;
न त्वं अरियेन वेदेन, ममं भत्तारमिच्छसि॥
Na tvaṃ ariyena vedena, mamaṃ bhattāramicchasi.
६१.
61.
नेन्ति सण्हाहि वाचाहि, बिळारी विय कुक्कुटं॥
Nenti saṇhāhi vācāhi, biḷārī viya kukkuṭaṃ.
६२.
62.
यो च उप्पतितं अत्थं, न खिप्पमनुबुज्झति।
Yo ca uppatitaṃ atthaṃ, na khippamanubujjhati;
अमित्तवसमन्वेति, पच्छा च अनुतप्पति॥
Amittavasamanveti, pacchā ca anutappati.
६३.
63.
यो च उप्पतितं अत्थं, खिप्पमेव निबोधति।
Yo ca uppatitaṃ atthaṃ, khippameva nibodhati;
मुच्चते सत्तुसम्बाधा, कुक्कुटोव बिळारियाति॥
Muccate sattusambādhā, kukkuṭova biḷāriyāti.
कुक्कुटजातकं अट्ठमं।
Kukkuṭajātakaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३८३] ८. कुक्कुटजातकवण्णना • [383] 8. Kukkuṭajātakavaṇṇanā
