| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. ཀུཧསུཏྟཾ
6. Kuhasuttaṃ
༢༦. 1 ‘‘ཡེ ཏེ, བྷིཀྑཝེ, བྷིཀྑཱུ ཀུཧཱ ཐདྡྷཱ ལཔཱ སིངྒཱི ཨུནྣལཱ༹ ཨསམཱཧིཏཱ, ན མེ ཏེ, བྷིཀྑཝེ, བྷིཀྑཱུ མཱམཀཱ། ཨཔགཏཱ ཙ ཏེ, བྷིཀྑཝེ , བྷིཀྑཱུ ཨིམསྨཱ དྷམྨཝིནཡཱ, ན ཙ ཏེ ཨིམསྨིཾ དྷམྨཝིནཡེ ཝུདྡྷིཾ ཝིརུལ༹ྷིཾ ཝེཔུལླཾ ཨཱཔཛྫནྟི། ཡེ ཙ ཁོ ཏེ, བྷིཀྑཝེ, བྷིཀྑཱུ ནིཀྐུཧཱ ནིལླཔཱ དྷཱིརཱ ཨཏྠདྡྷཱ སུསམཱཧིཏཱ, ཏེ ཁོ མེ, བྷིཀྑཝེ, བྷིཀྑཱུ མཱམཀཱ། ཨནཔགཏཱ ཙ ཏེ, བྷིཀྑཝེ, བྷིཀྑཱུ ཨིམསྨཱ དྷམྨཝིནཡཱ། ཏེ ཙ ཨིམསྨིཾ དྷམྨཝིནཡེ ཝུདྡྷིཾ ཝིརུལ༹ྷིཾ ཝེཔུལླཾ ཨཱཔཛྫནྟཱི’’ཏི།
26.2 ‘‘Ye te, bhikkhave, bhikkhū kuhā thaddhā lapā siṅgī unnaḷā asamāhitā, na me te, bhikkhave, bhikkhū māmakā. Apagatā ca te, bhikkhave , bhikkhū imasmā dhammavinayā, na ca te imasmiṃ dhammavinaye vuddhiṃ viruḷhiṃ vepullaṃ āpajjanti. Ye ca kho te, bhikkhave, bhikkhū nikkuhā nillapā dhīrā atthaddhā susamāhitā, te kho me, bhikkhave, bhikkhū māmakā. Anapagatā ca te, bhikkhave, bhikkhū imasmā dhammavinayā. Te ca imasmiṃ dhammavinaye vuddhiṃ viruḷhiṃ vepullaṃ āpajjantī’’ti.
ན ཏེ དྷམྨེ ཝིརཱུཧནྟི, སམྨཱསམྦུདྡྷདེསིཏེ༎
Na te dhamme virūhanti, sammāsambuddhadesite.
‘‘ནིཀྐུཧཱ ནིལླཔཱ དྷཱིརཱ, ཨཏྠདྡྷཱ སུསམཱཧིཏཱ།
‘‘Nikkuhā nillapā dhīrā, atthaddhā susamāhitā;
ཏེ ཝེ དྷམྨེ ཝིརཱུཧནྟི, སམྨཱསམྦུདྡྷདེསིཏེ’’ཏི༎ ཚཊྛཾ།
Te ve dhamme virūhanti, sammāsambuddhadesite’’ti. chaṭṭhaṃ;
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༦. ཀུཧསུཏྟཝཎྞནཱ • 6. Kuhasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦. ཀུཧསུཏྟཝཎྞནཱ • 6. Kuhasuttavaṇṇanā
