| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. কুহসুত্তং
6. Kuhasuttaṃ
২৬. 1 ‘‘যে তে, ভিক্খৰে, ভিক্খূ কুহা থদ্ধা লপা সিঙ্গী উন্নল়া অসমাহিতা, ন মে তে, ভিক্খৰে, ভিক্খূ মামকা। অপগতা চ তে, ভিক্খৰে , ভিক্খূ ইমস্মা ধম্মৰিনযা, ন চ তে ইমস্মিং ধম্মৰিনযে ৰুদ্ধিং ৰিরুল়্হিং ৰেপুল্লং আপজ্জন্তি। যে চ খো তে, ভিক্খৰে, ভিক্খূ নিক্কুহা নিল্লপা ধীরা অত্থদ্ধা সুসমাহিতা, তে খো মে, ভিক্খৰে, ভিক্খূ মামকা। অনপগতা চ তে, ভিক্খৰে, ভিক্খূ ইমস্মা ধম্মৰিনযা। তে চ ইমস্মিং ধম্মৰিনযে ৰুদ্ধিং ৰিরুল়্হিং ৰেপুল্লং আপজ্জন্তী’’তি।
26.2 ‘‘Ye te, bhikkhave, bhikkhū kuhā thaddhā lapā siṅgī unnaḷā asamāhitā, na me te, bhikkhave, bhikkhū māmakā. Apagatā ca te, bhikkhave , bhikkhū imasmā dhammavinayā, na ca te imasmiṃ dhammavinaye vuddhiṃ viruḷhiṃ vepullaṃ āpajjanti. Ye ca kho te, bhikkhave, bhikkhū nikkuhā nillapā dhīrā atthaddhā susamāhitā, te kho me, bhikkhave, bhikkhū māmakā. Anapagatā ca te, bhikkhave, bhikkhū imasmā dhammavinayā. Te ca imasmiṃ dhammavinaye vuddhiṃ viruḷhiṃ vepullaṃ āpajjantī’’ti.
ন তে ধম্মে ৰিরূহন্তি, সম্মাসম্বুদ্ধদেসিতে॥
Na te dhamme virūhanti, sammāsambuddhadesite.
‘‘নিক্কুহা নিল্লপা ধীরা, অত্থদ্ধা সুসমাহিতা।
‘‘Nikkuhā nillapā dhīrā, atthaddhā susamāhitā;
তে ৰে ধম্মে ৰিরূহন্তি, সম্মাসম্বুদ্ধদেসিতে’’তি॥ ছট্ঠং।
Te ve dhamme virūhanti, sammāsambuddhadesite’’ti. chaṭṭhaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৬. কুহসুত্তৰণ্ণনা • 6. Kuhasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬. কুহসুত্তৰণ্ণনা • 6. Kuhasuttavaṇṇanā
