| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. โกฎุมฺพริยเตฺถรอปทานํ
3. Koṭumbariyattheraapadānaṃ
๑๒.
12.
‘‘กณิการํว โชตนฺตํ, นิสินฺนํ ปพฺพตนฺตเร;
‘‘Kaṇikāraṃva jotantaṃ, nisinnaṃ pabbatantare;
อปฺปเมยฺยํว อุทธิํ, วิตฺถตํ ธรณิํ ยถาฯ
Appameyyaṃva udadhiṃ, vitthataṃ dharaṇiṃ yathā.
๑๓.
13.
หโฎฺฐ หเฎฺฐน จิเตฺตน, อุปาคจฺฉิํ นรุตฺตมํฯ
Haṭṭho haṭṭhena cittena, upāgacchiṃ naruttamaṃ.
๑๔.
14.
‘‘สตฺตปุปฺผานิ ปคฺคยฺห, โกฎุมฺพรสมากุลํ;
‘‘Sattapupphāni paggayha, koṭumbarasamākulaṃ;
พุทฺธสฺส อภิโรเปสิํ, สิขิโน โลกพนฺธุโนฯ
Buddhassa abhiropesiṃ, sikhino lokabandhuno.
๑๕.
15.
‘‘เอกตฺติํเส อิโต กเปฺป, ยํ ปุปฺผมภิโรปยิํ;
‘‘Ekattiṃse ito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๑๖.
16.
‘‘อิโต วีสติกปฺปมฺหิ, มหาเนลสนามโก;
‘‘Ito vīsatikappamhi, mahānelasanāmako;
เอโก อาสิ มหาเตโช, จกฺกวตฺตี มหพฺพโลฯ
Eko āsi mahātejo, cakkavattī mahabbalo.
๑๗.
17.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา โกฎุมฺพริโย เถโร อิมา คาถาโย อภาสิตฺถาติฯ
Itthaṃ sudaṃ āyasmā koṭumbariyo thero imā gāthāyo abhāsitthāti.
โกฎุมฺพริยเตฺถรสฺสาปทานํ ตติยํฯ
Koṭumbariyattherassāpadānaṃ tatiyaṃ.
Footnotes:
