| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၃. ကောဋ္ဌိကသုတ္တဝဏ္ဏနာ
3. Koṭṭhikasuttavaṇṇanā
၁၃. တတိယေ ဒိဋ္ဌဓမ္မဝေဒနီယန္တိ ဣမသ္မိံ ယေဝတ္တဘာဝေ ဝိပစ္စနကကမ္မံ။ သမ္ပရာယဝေဒနီယန္တိ ဒုတိယေ အတ္တဘာဝေ ဝိပစ္စနကကမ္မံ။ သုခဝေဒနီယန္တိ သုခဝေဒနာဇနကကမ္မံ။ ဒုက္ခဝေဒနီယန္တိ ဒုက္ခဝေဒနာဇနကကမ္မံ။ ပရိပက္ကဝေဒနီယန္တိ လဒ္ဓဝိပာကဝာရံ။ အပရိပက္ကဝေဒနီယန္တိ အလဒ္ဓဝိပာကဝာရံ။ ဗဟုဝေဒနီယန္တိ ဗဟုဝိပာကဒာယကံ။ အပ္ပဝေဒနီယန္တိ န ဗဟုဝိပာကဒာယကံ။ အဝေဒနီယန္တိ ဝိပာကဝေဒနာယ အဒာယကံ။ ဣမသ္မိံ သုတ္တေ ဝဋ္ဋဝိဝဋ္ဋံ ကထိတံ။
13. Tatiye diṭṭhadhammavedanīyanti imasmiṃ yevattabhāve vipaccanakakammaṃ. Samparāyavedanīyanti dutiye attabhāve vipaccanakakammaṃ. Sukhavedanīyanti sukhavedanājanakakammaṃ. Dukkhavedanīyanti dukkhavedanājanakakammaṃ. Paripakkavedanīyanti laddhavipākavāraṃ. Aparipakkavedanīyanti aladdhavipākavāraṃ. Bahuvedanīyanti bahuvipākadāyakaṃ. Appavedanīyanti na bahuvipākadāyakaṃ. Avedanīyanti vipākavedanāya adāyakaṃ. Imasmiṃ sutte vaṭṭavivaṭṭaṃ kathitaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၃. ကောဋ္ဌိကသုတ္တံ • 3. Koṭṭhikasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၃. ကောဋ္ဌိကသုတ္တဝဏ္ဏနာ • 3. Koṭṭhikasuttavaṇṇanā
