| Library / Tipiṭaka / তিপিটক • Tipiṭaka / ৰিমতিৰিনোদনী-টীকা • Vimativinodanī-ṭīkā |
কোটিগামেসচ্চকথাৰণ্ণনা
Koṭigāmesaccakathāvaṇṇanā
২৮৭. পাল়িযং সন্ধাৰিতন্তি ভৰতো ভৰং পটিসন্ধিগ্গহণৰসেন সন্ধাৰনং কতং। সংসরিতন্তি তস্সেৰ ৰেৰচনং। মমঞ্চেৰ তুম্হাকঞ্চাতি মযা চ তুম্হেহি চ, সামিৰসেনেৰ ৰা মম চ তুম্হাকঞ্চ সন্ধাৰনং অহোসীতি অত্থো গহেতব্বো। সংসরিতন্তি সংসরি। ভৰতণ্হা এৰ ভৰতো ভৰং নেতীতি ভৰনেত্তীতি ৰুত্তা।
287. Pāḷiyaṃ sandhāvitanti bhavato bhavaṃ paṭisandhiggahaṇavasena sandhāvanaṃ kataṃ. Saṃsaritanti tasseva vevacanaṃ. Mamañceva tumhākañcāti mayā ca tumhehi ca, sāmivaseneva vā mama ca tumhākañca sandhāvanaṃ ahosīti attho gahetabbo. Saṃsaritanti saṃsari. Bhavataṇhā eva bhavato bhavaṃ netīti bhavanettīti vuttā.
২৮৯. ‘‘নীলা হোন্তী’’তি ৰুত্তমেৰত্থং ৰিৰরিতুং ‘‘নীলৰণ্ণা’’তিআদি ৰুত্তং। নীলৰণ্ণাতি নীলৰিলেপনা। এস নযো সব্বত্থ। পটিৰট্টেসীতি পহরি। অম্বকাযাতি অম্বায। উপচারৰচনঞ্হেতং, মাতুগামেনাতি অত্থো। উপসংহরথাতি উপনেথ, ‘‘ঈদিসা তাৰতিংসা’’তি পরিকপ্পেথাতি অত্থো। ইদঞ্চ ভিক্খূনং সংৰেগজননত্থং ৰুত্তং, ন নিমিত্তগ্গাহত্থং। লিচ্ছৰিরাজানো হি সব্বে ন চিরস্সেৰ অজাতসত্তুনা ৰিনাসং পাপুণিস্সন্তি।
289. ‘‘Nīlā hontī’’ti vuttamevatthaṃ vivarituṃ ‘‘nīlavaṇṇā’’tiādi vuttaṃ. Nīlavaṇṇāti nīlavilepanā. Esa nayo sabbattha. Paṭivaṭṭesīti pahari. Ambakāyāti ambāya. Upacāravacanañhetaṃ, mātugāmenāti attho. Upasaṃharathāti upanetha, ‘‘īdisā tāvatiṃsā’’ti parikappethāti attho. Idañca bhikkhūnaṃ saṃvegajananatthaṃ vuttaṃ, na nimittaggāhatthaṃ. Licchavirājāno hi sabbe na cirasseva ajātasattunā vināsaṃ pāpuṇissanti.
কোটিগামেসচ্চকথাৰণ্ণনা নিট্ঠিতা।
Koṭigāmesaccakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
১৭৫. কোটিগামে সচ্চকথা • 175. Koṭigāme saccakathā
১৭৭. লিচ্ছৰীৰত্থু • 177. Licchavīvatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / পাটলিগামৰত্থুকথা • Pāṭaligāmavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā
কোটিগামে সচ্চকথাৰণ্ণনা • Koṭigāme saccakathāvaṇṇanā
লিচ্ছৰীৰত্থুকথাৰণ্ণনা • Licchavīvatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১৭৩. পাটলিগামৰত্থুকথা • 173. Pāṭaligāmavatthukathā
