| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๑๒. โกฎสิมฺพลิชาตกํ (๗-๒-๗)
412. Koṭasimbalijātakaṃ (7-2-7)
๑๒๑.
121.
อหํ ทสสตํพฺยามํ, อุรคมาทาย อาคโต;
Ahaṃ dasasataṃbyāmaṃ, uragamādāya āgato;
๑๒๒.
122.
อถิมํ ขุทฺทกํ ปกฺขิํ, อปฺปมํสตรํ มยา;
Athimaṃ khuddakaṃ pakkhiṃ, appamaṃsataraṃ mayā;
๑๒๓.
123.
มํสภโกฺข ตุวํ ราช, ผลภโกฺข อยํ ทิโช;
Maṃsabhakkho tuvaṃ rāja, phalabhakkho ayaṃ dijo;
อยํ นิโคฺรธพีชานิ, ปิลกฺขุทุมฺพรานิ จ;
Ayaṃ nigrodhabījāni, pilakkhudumbarāni ca;
อสฺสตฺถานิ จ ภกฺขิตฺวา, ขเนฺธ เม โอหทิสฺสติฯ
Assatthāni ca bhakkhitvā, khandhe me ohadissati.
๑๒๔.
124.
เต รุกฺขา สํวิรูหนฺติ, มม ปเสฺส นิวาตชา;
Te rukkhā saṃvirūhanti, mama passe nivātajā;
เต มํ ปริโยนนฺธิสฺสนฺติ, อรุกฺขํ มํ กริสฺสเรฯ
Te maṃ pariyonandhissanti, arukkhaṃ maṃ karissare.
๑๒๕.
125.
สนฺติ อเญฺญปิ รุกฺขา เส, มูลิโน ขนฺธิโน ทุมา;
Santi aññepi rukkhā se, mūlino khandhino dumā;
อิมินา สกุณชาเตน, พีชมาหริตา หตาฯ
Iminā sakuṇajātena, bījamāharitā hatā.
๑๒๖.
126.
ตสฺมา ราช ปเวธามิ, สมฺปสฺสํนาคตํ ภยํฯ
Tasmā rāja pavedhāmi, sampassaṃnāgataṃ bhayaṃ.
๑๒๗.
127.
สเงฺกยฺย สงฺกิตพฺพานิ, รเกฺขยฺยานาคตํ ภยํ;
Saṅkeyya saṅkitabbāni, rakkheyyānāgataṃ bhayaṃ;
อนาคตภยา ธีโร, อุโภ โลเก อเวกฺขตีติฯ
Anāgatabhayā dhīro, ubho loke avekkhatīti.
โกฎสิมฺพลิชาตกํ สตฺตมํฯ
Koṭasimbalijātakaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๑๒] ๗. โกฎสิมฺพลิชาตกวณฺณนา • [412] 7. Koṭasimbalijātakavaṇṇanā
