| Library / Tipiṭaka / तिपिटक • Tipiṭaka / जातकपाळि • Jātakapāḷi |
४१२. कोटसिम्बलिजातकं (७-२-७)
412. Koṭasimbalijātakaṃ (7-2-7)
१२१.
121.
अहं दससतंब्यामं, उरगमादाय आगतो।
Ahaṃ dasasataṃbyāmaṃ, uragamādāya āgato;
१२२.
122.
अथिमं खुद्दकं पक्खिं, अप्पमंसतरं मया।
Athimaṃ khuddakaṃ pakkhiṃ, appamaṃsataraṃ mayā;
१२३.
123.
मंसभक्खो तुवं राज, फलभक्खो अयं दिजो।
Maṃsabhakkho tuvaṃ rāja, phalabhakkho ayaṃ dijo;
अयं निग्रोधबीजानि, पिलक्खुदुम्बरानि च।
Ayaṃ nigrodhabījāni, pilakkhudumbarāni ca;
अस्सत्थानि च भक्खित्वा, खन्धे मे ओहदिस्सति॥
Assatthāni ca bhakkhitvā, khandhe me ohadissati.
१२४.
124.
ते रुक्खा संविरूहन्ति, मम पस्से निवातजा।
Te rukkhā saṃvirūhanti, mama passe nivātajā;
ते मं परियोनन्धिस्सन्ति, अरुक्खं मं करिस्सरे॥
Te maṃ pariyonandhissanti, arukkhaṃ maṃ karissare.
१२५.
125.
सन्ति अञ्ञेपि रुक्खा से, मूलिनो खन्धिनो दुमा।
Santi aññepi rukkhā se, mūlino khandhino dumā;
इमिना सकुणजातेन, बीजमाहरिता हता॥
Iminā sakuṇajātena, bījamāharitā hatā.
१२६.
126.
तस्मा राज पवेधामि, सम्पस्संनागतं भयं॥
Tasmā rāja pavedhāmi, sampassaṃnāgataṃ bhayaṃ.
१२७.
127.
सङ्केय्य सङ्कितब्बानि, रक्खेय्यानागतं भयं।
Saṅkeyya saṅkitabbāni, rakkheyyānāgataṃ bhayaṃ;
अनागतभया धीरो, उभो लोके अवेक्खतीति॥
Anāgatabhayā dhīro, ubho loke avekkhatīti.
कोटसिम्बलिजातकं सत्तमं।
Koṭasimbalijātakaṃ sattamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४१२] ७. कोटसिम्बलिजातकवण्णना • [412] 7. Koṭasimbalijātakavaṇṇanā
