| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၂. ကောသိယဝဂ္ဂော
2. Kosiyavaggo
၁. ကောသိယသိက္ခာပဒဝဏ္ဏနာ
1. Kosiyasikkhāpadavaṇṇanā
၅၄၂. တေန သမယေနာတိ ကောသိယသိက္ခာပဒံ။ တတ္ထ သန္ထရိတ္ဝာ ကတံ ဟောတီတိ သမေ ဘူမိဘာဂေ ကောသိယံသူနိ ဥပရူပရိ သန္ထရိတ္ဝာ ကဉ္ဇိကာဒီဟိ သိဉ္စိတ္ဝာ ကတံ ဟောတိ။ ဧကေနပိ ကောသိယံသုနာ မိသ္သိတ္ဝာတိ တိဋ္ဌတု အတ္တနော ရုစိဝသေန မိသ္သိတံ, သစေပိ တသ္သ ကရဏဋ္ဌာနေ ဝာတော ဧကံ ကောသိယံသုံ အာနေတ္ဝာ ပာတေတိ, ဧဝမ္ပိ မိသ္သေတ္ဝာ ကတမေဝ ဟောတီတိ။ သေသံ ဥတ္တာနတ္ထမေဝ။
542.Tenasamayenāti kosiyasikkhāpadaṃ. Tattha santharitvā kataṃ hotīti same bhūmibhāge kosiyaṃsūni uparūpari santharitvā kañjikādīhi siñcitvā kataṃ hoti. Ekenapi kosiyaṃsunā missitvāti tiṭṭhatu attano rucivasena missitaṃ, sacepi tassa karaṇaṭṭhāne vāto ekaṃ kosiyaṃsuṃ ānetvā pāteti, evampi missetvā katameva hotīti. Sesaṃ uttānatthameva.
ဆသမုဋ္ဌာနံ, ကိရိယံ, နောသညာဝိမောက္ခံ, အစိတ္တကံ ပဏ္ဏတ္တိဝဇ္ဇံ, ကာယကမ္မဝစီကမ္မံ,
Chasamuṭṭhānaṃ, kiriyaṃ, nosaññāvimokkhaṃ, acittakaṃ paṇṇattivajjaṃ, kāyakammavacīkammaṃ,
တိစိတ္တံ, တိဝေဒနန္တိ။
Ticittaṃ, tivedananti.
ကောသိယသိက္ခာပဒဝဏ္ဏနာ နိဋ္ဌိတာ။
Kosiyasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၁. ကောသိယသိက္ခာပဒံ • 1. Kosiyasikkhāpadaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. ကောသိယသိက္ခာပဒဝဏ္ဏနာ • 1. Kosiyasikkhāpadavaṇṇanā
