| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૨. કોસિયવગ્ગો
2. Kosiyavaggo
૧. કોસિયસિક્ખાપદવણ્ણના
1. Kosiyasikkhāpadavaṇṇanā
૫૪૨. તેન સમયેનાતિ કોસિયસિક્ખાપદં. તત્થ સન્થરિત્વા કતં હોતીતિ સમે ભૂમિભાગે કોસિયંસૂનિ ઉપરૂપરિ સન્થરિત્વા કઞ્જિકાદીહિ સિઞ્ચિત્વા કતં હોતિ. એકેનપિ કોસિયંસુના મિસ્સિત્વાતિ તિટ્ઠતુ અત્તનો રુચિવસેન મિસ્સિતં, સચેપિ તસ્સ કરણટ્ઠાને વાતો એકં કોસિયંસું આનેત્વા પાતેતિ, એવમ્પિ મિસ્સેત્વા કતમેવ હોતીતિ. સેસં ઉત્તાનત્થમેવ.
542.Tenasamayenāti kosiyasikkhāpadaṃ. Tattha santharitvā kataṃ hotīti same bhūmibhāge kosiyaṃsūni uparūpari santharitvā kañjikādīhi siñcitvā kataṃ hoti. Ekenapi kosiyaṃsunā missitvāti tiṭṭhatu attano rucivasena missitaṃ, sacepi tassa karaṇaṭṭhāne vāto ekaṃ kosiyaṃsuṃ ānetvā pāteti, evampi missetvā katameva hotīti. Sesaṃ uttānatthameva.
છસમુટ્ઠાનં, કિરિયં, નોસઞ્ઞાવિમોક્ખં, અચિત્તકં પણ્ણત્તિવજ્જં, કાયકમ્મવચીકમ્મં,
Chasamuṭṭhānaṃ, kiriyaṃ, nosaññāvimokkhaṃ, acittakaṃ paṇṇattivajjaṃ, kāyakammavacīkammaṃ,
તિચિત્તં, તિવેદનન્તિ.
Ticittaṃ, tivedananti.
કોસિયસિક્ખાપદવણ્ણના નિટ્ઠિતા.
Kosiyasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૧. કોસિયસિક્ખાપદં • 1. Kosiyasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૧. કોસિયસિક્ખાપદવણ્ણના • 1. Kosiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૧. કોસિયસિક્ખાપદવણ્ણના • 1. Kosiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૧. કોસિયસિક્ખાપદવણ્ણના • 1. Kosiyasikkhāpadavaṇṇanā
