| Library / Tipiṭaka / திபிடக • Tipiṭaka / பு³த்³த⁴வங்ஸபாளி • Buddhavaṃsapāḷi |
25. கோணாக³மனபு³த்³த⁴வங்ஸோ
25. Koṇāgamanabuddhavaṃso
1.
1.
ககுஸந்த⁴ஸ்ஸ அபரேன, ஸம்பு³த்³தோ⁴ த்³விபது³த்தமோ;
Kakusandhassa aparena, sambuddho dvipaduttamo;
கோணாக³மனோ நாம ஜினோ, லோகஜெட்டோ² நராஸபோ⁴.
Koṇāgamano nāma jino, lokajeṭṭho narāsabho.
2.
2.
த³ஸத⁴ம்மே பூரயித்வான, கந்தாரங் ஸமதிக்கமி;
Dasadhamme pūrayitvāna, kantāraṃ samatikkami;
பவாஹிய மலங் ஸப்³ப³ங், பத்தோ ஸம்போ³தி⁴முத்தமங்.
Pavāhiya malaṃ sabbaṃ, patto sambodhimuttamaṃ.
3.
3.
த⁴ம்மசக்கங் பவத்தெந்தே, கோணாக³மனநாயகே;
Dhammacakkaṃ pavattente, koṇāgamananāyake;
திங்ஸகோடிஸஹஸ்ஸானங், பட²மாபி⁴ஸமயோ அஹு.
Tiṃsakoṭisahassānaṃ, paṭhamābhisamayo ahu.
4.
4.
பாடிஹீரங் கரொந்தே ச, பரவாத³ப்பமத்³த³னே;
Pāṭihīraṃ karonte ca, paravādappamaddane;
வீஸதிகோடிஸஹஸ்ஸானங், து³தியாபி⁴ஸமயோ அஹு.
Vīsatikoṭisahassānaṃ, dutiyābhisamayo ahu.
5.
5.
ததோ விகுப்³ப³னங் கத்வா, ஜினோ தே³வபுரங் க³தோ;
Tato vikubbanaṃ katvā, jino devapuraṃ gato;
வஸதே தத்த² ஸம்பு³த்³தோ⁴, ஸிலாய பண்டு³கம்ப³லே.
Vasate tattha sambuddho, silāya paṇḍukambale.
6.
6.
பகரணே ஸத்த தே³ஸெந்தோ, வஸ்ஸங் வஸதி ஸோ முனி;
Pakaraṇe satta desento, vassaṃ vasati so muni;
த³ஸகோடிஸஹஸ்ஸானங், ததியாபி⁴ஸமயோ அஹு.
Dasakoṭisahassānaṃ, tatiyābhisamayo ahu.
7.
7.
தஸ்ஸாபி தே³வதே³வஸ்ஸ, ஏகோ ஆஸி ஸமாக³மோ;
Tassāpi devadevassa, eko āsi samāgamo;
கீ²ணாஸவானங் விமலானங், ஸந்தசித்தான தாதி³னங்.
Khīṇāsavānaṃ vimalānaṃ, santacittāna tādinaṃ.
8.
8.
திங்ஸபி⁴க்கு²ஸஹஸ்ஸானங் , ததா³ ஆஸி ஸமாக³மோ;
Tiṃsabhikkhusahassānaṃ , tadā āsi samāgamo;
ஓகா⁴னமதிக்கந்தானங், பி⁴ஜ்ஜிதானஞ்ச மச்சுயா.
Oghānamatikkantānaṃ, bhijjitānañca maccuyā.
9.
9.
அஹங் தேன ஸமயேன, பப்³ப³தோ நாம க²த்தியோ;
Ahaṃ tena samayena, pabbato nāma khattiyo;
மித்தாமச்சேஹி ஸம்பன்னோ, அனந்தப³லவாஹனோ.
Mittāmaccehi sampanno, anantabalavāhano.
10.
10.
ஸம்பு³த்³த⁴த³ஸ்ஸனங் க³ந்த்வா, ஸுத்வா த⁴ம்மமனுத்தரங்;
Sambuddhadassanaṃ gantvā, sutvā dhammamanuttaraṃ;
நிமந்தெத்வா ஸஜினஸங்க⁴ங், தா³னங் த³த்வா யதி³ச்ச²கங்.
Nimantetvā sajinasaṅghaṃ, dānaṃ datvā yadicchakaṃ.
11.
11.
பட்டுண்ணங் சீனபட்டஞ்ச, கோஸெய்யங் கம்ப³லம்பி ச;
Paṭṭuṇṇaṃ cīnapaṭṭañca, koseyyaṃ kambalampi ca;
ஸோவண்ணபாது³கஞ்சேவ, அதா³ஸிங் ஸத்து²ஸாவகே.
Sovaṇṇapādukañceva, adāsiṃ satthusāvake.
12.
12.
ஸோபி மங் பு³த்³தோ⁴ ப்³யாகாஸி, ஸங்க⁴மஜ்ஜே² நிஸீதி³ய;
Sopi maṃ buddho byākāsi, saṅghamajjhe nisīdiya;
‘‘இமம்ஹி ப⁴த்³த³கே கப்பே, அயங் பு³த்³தோ⁴ ப⁴விஸ்ஸதி.
‘‘Imamhi bhaddake kappe, ayaṃ buddho bhavissati.
13.
13.
‘‘அஹு கபிலவ்ஹயா ரம்மா…பே॰… ஹெஸ்ஸாம ஸம்முகா² இமங்’’.
‘‘Ahu kapilavhayā rammā…pe… hessāma sammukhā imaṃ’’.
14.
14.
தஸ்ஸாபி வசனங் ஸுத்வா, பி⁴ய்யோ சித்தங் பஸாத³யிங்;
Tassāpi vacanaṃ sutvā, bhiyyo cittaṃ pasādayiṃ;
உத்தரிங் வதமதி⁴ட்டா²ஸிங், த³ஸபாரமிபூரியா.
Uttariṃ vatamadhiṭṭhāsiṃ, dasapāramipūriyā.
15.
15.
ஸப்³ப³ஞ்ஞுதங் க³வேஸந்தோ, தா³னங் த³த்வா நருத்தமே;
Sabbaññutaṃ gavesanto, dānaṃ datvā naruttame;
16.
16.
நக³ரங் ஸோப⁴வதீ நாம, ஸோபோ⁴ நாமாஸி க²த்தியோ;
Nagaraṃ sobhavatī nāma, sobho nāmāsi khattiyo;
வஸதே தத்த² நக³ரே, ஸம்பு³த்³த⁴ஸ்ஸ மஹாகுலங்.
Vasate tattha nagare, sambuddhassa mahākulaṃ.
17.
17.
ப்³ராஹ்மணோ யஞ்ஞத³த்தோ ச, ஆஸி பு³த்³த⁴ஸ்ஸ ஸோ பிதா;
Brāhmaṇo yaññadatto ca, āsi buddhassa so pitā;
உத்தரா நாம ஜனிகா, கோணாக³மனஸ்ஸ ஸத்து²னோ.
Uttarā nāma janikā, koṇāgamanassa satthuno.
18.
18.
தீணி வஸ்ஸஸஹஸ்ஸானி, அகா³ரங் அஜ்ஜ² ஸோ வஸி;
Tīṇi vassasahassāni, agāraṃ ajjha so vasi;
துஸிதஸந்துஸிதஸந்துட்டா², தயோ பாஸாத³முத்தமா.
Tusitasantusitasantuṭṭhā, tayo pāsādamuttamā.
19.
19.
அனூனஸோளஸஸஹஸ்ஸானி, நாரியோ ஸமலங்கதா;
Anūnasoḷasasahassāni, nāriyo samalaṅkatā;
ருசிக³த்தா நாம நாரீ, ஸத்த²வாஹோ நாம அத்ரஜோ.
Rucigattā nāma nārī, satthavāho nāma atrajo.
20.
20.
நிமித்தே சதுரோ தி³ஸ்வா, ஹத்தி²யானேன நிக்க²மி;
Nimitte caturo disvā, hatthiyānena nikkhami;
ச²மாஸங் பதா⁴னசாரங், அசரீ புரிஸுத்தமோ.
Chamāsaṃ padhānacāraṃ, acarī purisuttamo.
21.
21.
ப்³ரஹ்முனா யாசிதோ ஸந்தோ, கோணாக³மனநாயகோ;
Brahmunā yācito santo, koṇāgamananāyako;
வத்தி சக்கங் மஹாவீரோ, மிக³தா³யே நருத்தமோ.
Vatti cakkaṃ mahāvīro, migadāye naruttamo.
22.
22.
பி⁴ய்யஸோ உத்தரோ நாம, அஹேஸுங் அக்³க³ஸாவகா;
Bhiyyaso uttaro nāma, ahesuṃ aggasāvakā;
ஸொத்தி²ஜோ நாமுபட்டா²கோ, கோணாக³மனஸ்ஸ ஸத்து²னோ.
Sotthijo nāmupaṭṭhāko, koṇāgamanassa satthuno.
23.
23.
ஸமுத்³தா³ உத்தரா சேவ, அஹேஸுங் அக்³க³ஸாவிகா;
Samuddā uttarā ceva, ahesuṃ aggasāvikā;
போ³தி⁴ தஸ்ஸ ப⁴க³வதோ, உது³ம்ப³ரோதி பவுச்சதி.
Bodhi tassa bhagavato, udumbaroti pavuccati.
24.
24.
உக்³கோ³ ச ஸோமதே³வோ ச, அஹேஸுங் அக்³கு³பட்ட²கா;
Uggo ca somadevo ca, ahesuṃ aggupaṭṭhakā;
ஸீவலா சேவ ஸாமா ச, அஹேஸுங் அக்³கு³பட்டி²கா.
Sīvalā ceva sāmā ca, ahesuṃ aggupaṭṭhikā.
25.
25.
உச்சத்தனேன ஸோ பு³த்³தோ⁴, திங்ஸஹத்த²ஸமுக்³க³தோ;
Uccattanena so buddho, tiṃsahatthasamuggato;
உக்காமுகே² யதா² கம்பு³, ஏவங் ரங்ஸீஹி மண்டி³தோ.
Ukkāmukhe yathā kambu, evaṃ raṃsīhi maṇḍito.
26.
26.
திங்ஸவஸ்ஸஸஹஸ்ஸானி, ஆயு பு³த்³த⁴ஸ்ஸ தாவதே³;
Tiṃsavassasahassāni, āyu buddhassa tāvade;
தாவதா திட்ட²மானோ ஸோ, தாரேஸி ஜனதங் ப³ஹுங்.
Tāvatā tiṭṭhamāno so, tāresi janataṃ bahuṃ.
27.
27.
த⁴ம்மசேதிங் ஸமுஸ்ஸெத்வா, த⁴ம்மது³ஸ்ஸவிபூ⁴ஸிதங்;
Dhammacetiṃ samussetvā, dhammadussavibhūsitaṃ;
த⁴ம்மபுப்ப²கு³ளங் கத்வா, நிப்³பு³தோ ஸோ ஸஸாவகோ.
Dhammapupphaguḷaṃ katvā, nibbuto so sasāvako.
28.
28.
மஹாவிலாஸோ தஸ்ஸ ஜனோ, ஸிரித⁴ம்மப்பகாஸனோ;
Mahāvilāso tassa jano, siridhammappakāsano;
ஸப்³ப³ங் தமந்தரஹிதங், நனு ரித்தா ஸப்³ப³ஸங்கா²ரா.
Sabbaṃ tamantarahitaṃ, nanu rittā sabbasaṅkhārā.
29.
29.
கோணாக³மனோ ஸம்பு³த்³தோ⁴, பப்³ப³தாராமம்ஹி நிப்³பு³தோ;
Koṇāgamano sambuddho, pabbatārāmamhi nibbuto;
தா⁴துவித்தா²ரிகங் ஆஸி, தேஸு தேஸு பதே³ஸதோதி.
Dhātuvitthārikaṃ āsi, tesu tesu padesatoti.
கோணாக³மனஸ்ஸ ப⁴க³வதோ வங்ஸோ தேவீஸதிமோ.
Koṇāgamanassa bhagavato vaṃso tevīsatimo.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / பு³த்³த⁴வங்ஸ-அட்ட²கதா² • Buddhavaṃsa-aṭṭhakathā / 25. கோணாக³மனபு³த்³த⁴வங்ஸவண்ணனா • 25. Koṇāgamanabuddhavaṃsavaṇṇanā
