| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. ကောကာလိကသုတ္တဝဏ္ဏနာ
7. Kokālikasuttavaṇṇanā
၁၇၈. သတ္တမေ အပ္ပမေယ္ယံ ပမိနန္တောတိ အပ္ပမေယ္ယံ ခီဏာသဝပုဂ္ဂလံ ‘‘ဧတ္တကံ သီလံ, ဧတ္တကော သမာဓိ, ဧတ္တကာ ပညာ’’တိ ဧဝံ မိနန္တော။ ကောဓဝိဒ္ဝာ ဝိကပ္ပယေတိ ကော ဣဓ ဝိဒ္ဝာ မေဓာဝီ ဝိကပ္ပေယ္ယ, ခီဏာသဝောဝ ခီဏာသဝံ မိနန္တော ကပ္ပေယ္ယာတိ ဒီပေတိ။ နိဝုတံ တံ မညေတိ ယော ပန ပုထုဇ္ဇနော တံ ပမေတုံ အာရဘတိ, တံ နိဝုတံ အဝကုဇ္ဇပညံ မညာမီတိ။ သတ္တမံ။
178. Sattame appameyyaṃ paminantoti appameyyaṃ khīṇāsavapuggalaṃ ‘‘ettakaṃ sīlaṃ, ettako samādhi, ettakā paññā’’ti evaṃ minanto. Kodhavidvā vikappayeti ko idha vidvā medhāvī vikappeyya, khīṇāsavova khīṇāsavaṃ minanto kappeyyāti dīpeti. Nivutaṃ taṃ maññeti yo pana puthujjano taṃ pametuṃ ārabhati, taṃ nivutaṃ avakujjapaññaṃ maññāmīti. Sattamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ကောကာလိကသုတ္တံ • 7. Kokālikasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ကောကာလိကသုတ္တဝဏ္ဏနာ • 7. Kokālikasuttavaṇṇanā
