| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧. ਕੋਧਪੇਯ੍ਯਾਲਂ
1. Kodhapeyyālaṃ
੧੮੧. ਇਤੋ ਪਰੇਸੁ ਕੁਜ੍ਝਨਲਕ੍ਖਣੋ ਕੋਧੋ। ਉਪਨਨ੍ਧਨਲਕ੍ਖਣੋ ਉਪਨਾਹੋ। ਸੁਕਤਕਰਣਮਕ੍ਖਨਲਕ੍ਖਣੋ ਮਕ੍ਖੋ। ਯੁਗਗ੍ਗਾਹਲਕ੍ਖਣੋ ਪਲਾਸੋ। ਉਸੂਯਨਲਕ੍ਖਣਾ ਇਸ੍ਸਾ। ਪਞ੍ਚਮਚ੍ਛੇਰਭਾવੋ ਮਚ੍ਛਰਿਯਂ। ਤਂ ਸਬ੍ਬਮ੍ਪਿ ਮਚ੍ਛਰਾਯਨਲਕ੍ਖਣਂ। ਕਤਪਟਿਚ੍ਛਾਦਨਲਕ੍ਖਣਾ ਮਾਯਾ। ਕੇਰਾਟਿਕਲਕ੍ਖਣਂ ਸਾਠੇਯ੍ਯਂ। ਅਲਜ੍ਜਨਾਕਾਰੋ ਅਹਿਰਿਕਂ। ਉਪવਾਦਤੋ ਅਭਾਯਨਾਕਾਰੋ ਅਨੋਤ੍ਤਪ੍ਪਂ। ਅਕ੍ਕੋਧਾਦਯੋ ਤੇਸਂ ਪਟਿਪਕ੍ਖવਸੇਨ વੇਦਿਤਬ੍ਬਾ।
181. Ito paresu kujjhanalakkhaṇo kodho. Upanandhanalakkhaṇo upanāho. Sukatakaraṇamakkhanalakkhaṇo makkho. Yugaggāhalakkhaṇo palāso. Usūyanalakkhaṇā issā. Pañcamaccherabhāvo macchariyaṃ. Taṃ sabbampi maccharāyanalakkhaṇaṃ. Katapaṭicchādanalakkhaṇā māyā. Kerāṭikalakkhaṇaṃ sāṭheyyaṃ. Alajjanākāro ahirikaṃ. Upavādato abhāyanākāro anottappaṃ. Akkodhādayo tesaṃ paṭipakkhavasena veditabbā.
੧੮੫. ਸੇਕ੍ਖਸ੍ਸ ਭਿਕ੍ਖੁਨੋਤਿ ਸਤ੍ਤવਿਧਸ੍ਸਾਪਿ ਸੇਕ੍ਖਸ੍ਸ ਉਪਰਿਉਪਰਿਗੁਣੇਹਿ ਪਰਿਹਾਨਾਯ ਸਂવਤ੍ਤਨ੍ਤਿ, ਪੁਥੁਜ੍ਜਨਸ੍ਸ ਪਨ ਪਠਮਤਰਂਯੇવ ਪਰਿਹਾਨਾਯ ਸਂવਤ੍ਤਨ੍ਤੀਤਿ વੇਦਿਤਬ੍ਬਾ। ਅਪਰਿਹਾਨਾਯਾਤਿ ਉਪਰਿਉਪਰਿਗੁਣੇਹਿ ਅਪਰਿਹਾਨਤ੍ਥਾਯ।
185.Sekkhassa bhikkhunoti sattavidhassāpi sekkhassa upariupariguṇehi parihānāya saṃvattanti, puthujjanassa pana paṭhamataraṃyeva parihānāya saṃvattantīti veditabbā. Aparihānāyāti upariupariguṇehi aparihānatthāya.
੧੮੭. ਯਥਾਭਤਂ ਨਿਕ੍ਖਿਤ੍ਤੋਤਿ ਯਥਾ ਆਨੇਤ੍વਾ ਨਿਕ੍ਖਿਤ੍ਤੋ, ਏવਂ ਨਿਰਯੇ ਪਤਿਟ੍ਠਿਤੋ વਾਤਿ વੇਦਿਤਬ੍ਬੋ।
187.Yathābhataṃ nikkhittoti yathā ānetvā nikkhitto, evaṃ niraye patiṭṭhito vāti veditabbo.
੧੯੦. ਏਕਚ੍ਚੋਤਿ ਯਸ੍ਸੇਤੇ ਕੋਧਾਦਯੋ ਅਤ੍ਥਿ, ਸੋ ਏਕਚ੍ਚੋ ਨਾਮ।
190.Ekaccoti yassete kodhādayo atthi, so ekacco nāma.
ਕੋਧਪੇਯ੍ਯਾਲਂ ਨਿਟ੍ਠਿਤਂ।
Kodhapeyyālaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਕੋਧਪੇਯ੍ਯਾਲਂ • 1. Kodhapeyyālaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਕੋਧਪੇਯ੍ਯਾਲਂ • 1. Kodhapeyyālaṃ
