| Library / Tipiṭaka / තිපිටක • Tipiṭaka / ඉතිවුත්තකපාළි • Itivuttakapāḷi |
2. කොධපරිඤ්ඤාසුත්තං
2. Kodhapariññāsuttaṃ
12. වුත්තඤ්හෙතං භගවතා, වුත්තමරහතාති මෙ සුතං –
12. Vuttañhetaṃ bhagavatā, vuttamarahatāti me sutaṃ –
‘‘කොධං, භික්ඛවෙ, අනභිජානං අපරිජානං තත්ථ චිත්තං අවිරාජයං අප්පජහං අභබ්බො දුක්ඛක්ඛයාය. කොධඤ්ච ඛො, භික්ඛවෙ, අභිජානං පරිජානං තත්ථ චිත්තං විරාජයං පජහං භබ්බො දුක්ඛක්ඛයායා’’ති. එතමත්ථං භගවා අවොච. තත්ථෙතං ඉති වුච්චති –
‘‘Kodhaṃ, bhikkhave, anabhijānaṃ aparijānaṃ tattha cittaṃ avirājayaṃ appajahaṃ abhabbo dukkhakkhayāya. Kodhañca kho, bhikkhave, abhijānaṃ parijānaṃ tattha cittaṃ virājayaṃ pajahaṃ bhabbo dukkhakkhayāyā’’ti. Etamatthaṃ bhagavā avoca. Tatthetaṃ iti vuccati –
‘‘යෙන කොධෙන කුද්ධාසෙ, සත්තා ගච්ඡන්ති දුග්ගතිං;
‘‘Yena kodhena kuddhāse, sattā gacchanti duggatiṃ;
තං කොධං සම්මදඤ්ඤාය, පජහන්ති විපස්සිනො;
Taṃ kodhaṃ sammadaññāya, pajahanti vipassino;
පහාය න පුනායන්ති, ඉමං ලොකං කුදාචන’’න්ති.
Pahāya na punāyanti, imaṃ lokaṃ kudācana’’nti.
අයම්පි අත්ථො වුත්තො භගවතා, ඉති මෙ සුතන්ති. දුතියං.
Ayampi attho vutto bhagavatā, iti me sutanti. Dutiyaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ඉතිවුත්තක-අට්ඨකථා • Itivuttaka-aṭṭhakathā / 1-3. මොහපරිඤ්ඤාදිසුත්තවණ්ණනා • 1-3. Mohapariññādisuttavaṇṇanā
