| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਕਿਸਾਗੋਤਮੀਸੁਤ੍ਤવਣ੍ਣਨਾ
3. Kisāgotamīsuttavaṇṇanā
੧੬੪. ‘‘ਕਿਸਾਗੋਤਮੀ’’ਤਿ ਏਤ੍ਥ ਕਾ ਪਨਾਯਂ ਕਿਸਾਗੋਤਮੀ, ਕਿਸ੍ਸ ਅਯਂ ਭਿਕ੍ਖੁਨੀ ਹੁਤ੍વਾ ਸਮਣਧਮ੍ਮਂ ਮਤ੍ਥਕਂ ਪਾਪੇਸੀਤਿ ਤਮਤ੍ਥਂ વਿਭਾવੇਤੁਂ ‘‘ਪੁਬ੍ਬੇ ਕਿਰਾ’’ਤਿਆਦਿਮਾਰਦ੍ਧਂ। ਅਙ੍ਗਾਰਾવਾਤਿ ਅਦ੍ਦਾਰਿਟ੍ਠਕવਣ੍ਣਅਙ੍ਗਾਰਾ ਏવ ਜਾਤਾ। ਦਾਰੁਸਾਕਨ੍ਤਿ ਅਦ੍ਧਮਾਸਕੇਨ ਦਾਰੁਂ ਸਾਕਞ੍ਚ ਆਹਰਿਸ੍ਸਾਮੀਤਿ ਅਨ੍ਤਰਾਪਣੇ ਅਨ੍ਤਰવੀਥਿਂ ਗਤਾ।
164. ‘‘Kisāgotamī’’ti ettha kā panāyaṃ kisāgotamī, kissa ayaṃ bhikkhunī hutvā samaṇadhammaṃ matthakaṃ pāpesīti tamatthaṃ vibhāvetuṃ ‘‘pubbe kirā’’tiādimāraddhaṃ. Aṅgārāvāti addāriṭṭhakavaṇṇaaṅgārā eva jātā. Dārusākanti addhamāsakena dāruṃ sākañca āharissāmīti antarāpaṇe antaravīthiṃ gatā.
ਸਿਦ੍ਧਤ੍ਥਕਨ੍ਤਿ ਸਾਸਪਂ। ਸਾਲਾਯਨ੍ਤਿ ਅਨਾਥਸਾਲਾਯਂ। ਖੁਰਗ੍ਗੇਯੇવਾਤਿ ਖੁਰਸਿਖੇ ਏવ, ਕੇਸੋਰੋਹਨਕ੍ਖਣੇ ਏવਾਤਿ ਅਤ੍ਥੋ।
Siddhatthakanti sāsapaṃ. Sālāyanti anāthasālāyaṃ. Khuraggeyevāti khurasikhe eva, kesorohanakkhaṇe evāti attho.
ਏਕਮਾਸੀਤਿ ਏਤ੍ਥ ਮ-ਕਾਰੋ ਪਦਸਨ੍ਧਿਕਰੋ। ਸਂਹਿਤਾવਸੇਨ ਚ ਪੁਰਿਮਪਦੇ વਾ ਰਸ੍ਸਤ੍ਤਂ। ਪਰਪਦੇ વਾ ਦੀਘਤ੍ਤਨ੍ਤਿ ਆਹ ‘‘ਏਕਾ ਆਸੀ’’ਤਿ। ਭਾવਨਪੁਂਸਕਮੇਤਂ ‘‘ਏਕਮਨ੍ਤਂ ਨਿਸੀਦੀ’’ਤਿਆਦੀਸੁ વਿਯ। ਪੁਤ੍ਤਮਰਣਂ ਅਨ੍ਤਂ ਅਤੀਤਂ ਇਦਾਨਿ ਪੁਤ੍ਤਮਰਣਸ੍ਸ ਅਭਾવਤੋ। ਤੇਨੇવਾਹ ‘‘ਪੁਤ੍ਤਮਰਣਂ ਨਾਮ ਨਤ੍ਥੀ’’ਤਿ। ਪੁਰਿਸਂ ਗવੇਸਿਤੁਨ੍ਤਿ ਯਥਾ ਮਯ੍ਹਂ ਪੁਰਿਸਗવੇਸਨਾ ਨਾਮ ਸਬ੍ਬਸੋ ਨਤ੍ਥਿ, ਤਥਾ ਏવ ਪੁਤ੍ਤਗવੇਸਨਾਪਿ ਨਤ੍ਥਿ, ਤਸ੍ਮਾ ਮੇ ਪੁਤ੍ਤਮਰਣਂ ਏਤਦਨ੍ਤਂ, ਸਬ੍ਬੇਸੁ ਖਨ੍ਧਾਦੀਸੁ ਭવਾਦੀਸੁ ਚ ਤਣ੍ਹਾਨਨ੍ਦਿਯਾ ਅਭਾવਕਥਨੇਨ ਸਬ੍ਬਸਤ੍ਤੇਸੁ ਤਣ੍ਹਾ ਸਬ੍ਬਸੋ વਿਸੋਸਿਤਾ, ਤਸ੍ਸਾਯੇવ ਕਾਰਕਅવਿਜ੍ਜਾਕ੍ਖਨ੍ਧੋ ਪਦਾਲਿਤੋਤਿ ਅਤ੍ਤਨੋ ਨਿਕ੍ਕਿਲੇਸਤਂ ਪવੇਦੇਨ੍ਤੀ ਥੇਰੀ ਸੀਹਨਾਦਂ ਨਦੀਤਿ।
Ekamāsīti ettha ma-kāro padasandhikaro. Saṃhitāvasena ca purimapade vā rassattaṃ. Parapade vā dīghattanti āha ‘‘ekā āsī’’ti. Bhāvanapuṃsakametaṃ ‘‘ekamantaṃ nisīdī’’tiādīsu viya. Puttamaraṇaṃ antaṃ atītaṃ idāni puttamaraṇassa abhāvato. Tenevāha ‘‘puttamaraṇaṃ nāma natthī’’ti. Purisaṃ gavesitunti yathā mayhaṃ purisagavesanā nāma sabbaso natthi, tathā eva puttagavesanāpi natthi, tasmā me puttamaraṇaṃ etadantaṃ, sabbesu khandhādīsu bhavādīsu ca taṇhānandiyā abhāvakathanena sabbasattesu taṇhā sabbaso visositā, tassāyeva kārakaavijjākkhandho padālitoti attano nikkilesataṃ pavedentī therī sīhanādaṃ nadīti.
ਕਿਸਾਗੋਤਮੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Kisāgotamīsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਕਿਸਾਗੋਤਮੀਸੁਤ੍ਤਂ • 3. Kisāgotamīsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਕਿਸਾਗੋਤਮੀਸੁਤ੍ਤવਣ੍ਣਨਾ • 3. Kisāgotamīsuttavaṇṇanā
