| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
гирияамановин̃н̃аан̣ад̇хаад̇ужид̇д̇аани
Kiriyamanoviññāṇadhātucittāni
568. мановин̃н̃аан̣ад̇хаад̇у уббаннаа ход̇и…бз… соманассасахаг̇ад̇аад̇и, ид̣̇ам̣ жид̇д̇ам̣ ан̃н̃зсам̣ асаад̇хааран̣ам̣. кийн̣аасавассзва баадибуг̇г̇алигам̣. часу д̣̇ваарзсу лаб̣бхад̇и. жагкуд̣̇ваарз хи бад̇хаанасааруббам̣ таанам̣ д̣̇исваа кийн̣аасаво иминаа жид̇д̇зна соманассид̇о ход̇и. сод̇ад̣̇ваарз бхан̣д̣абхааж̇анийяадтаанам̣ бад̇ваа махаасад̣̇д̣̇ам̣ гад̇ваа луд̣̇д̇халуд̣̇д̇хзсу г̇ан̣ханд̇зсу ‘зваруубаа наама мз лолуббад̇ан̣хаа бахийнаа’д̇и иминаа жид̇д̇зна соманассид̇о ход̇и. гхаанад̣̇ваарз г̇анд̇хзхи ваа бубпзхи ваа жзд̇ияам̣ бууж̇знд̇о иминаа жид̇д̇зна соманассид̇о ход̇и. ж̇ивхаад̣̇ваарз расасамбаннам̣ бин̣д̣абаад̇ам̣ лад̣̇д̇хаа бхааж̇зд̇ваа барибхун̃ж̇анд̇о ‘сааран̣ийяад̇хаммо вад̇а мз буурид̇о’д̇и иминаа жид̇д̇зна соманассид̇о ход̇и. гааяад̣̇ваарз абхисамаажааригавад̇д̇ам̣ гаронд̇о ‘гааяад̣̇ваарз мз вад̇д̇ам̣ буурид̇а’нд̇и иминаа жид̇д̇зна соманассид̇о ход̇и. звам̣ д̇аава бан̃жад̣̇ваарз лаб̣бхад̇и.
568. Manoviññāṇadhātuuppannā hoti…pe… somanassasahagatāti, idaṃ cittaṃ aññesaṃ asādhāraṇaṃ. Khīṇāsavasseva pāṭipuggalikaṃ. Chasu dvāresu labbhati. Cakkhudvāre hi padhānasāruppaṃ ṭhānaṃ disvā khīṇāsavo iminā cittena somanassito hoti. Sotadvāre bhaṇḍabhājanīyaṭṭhānaṃ patvā mahāsaddaṃ katvā luddhaluddhesu gaṇhantesu ‘evarūpā nāma me loluppataṇhā pahīnā’ti iminā cittena somanassito hoti. Ghānadvāre gandhehi vā pupphehi vā cetiyaṃ pūjento iminā cittena somanassito hoti. Jivhādvāre rasasampannaṃ piṇḍapātaṃ laddhā bhājetvā paribhuñjanto ‘sāraṇīyadhammo vata me pūrito’ti iminā cittena somanassito hoti. Kāyadvāre abhisamācārikavattaṃ karonto ‘kāyadvāre me vattaṃ pūrita’nti iminā cittena somanassito hoti. Evaṃ tāva pañcadvāre labbhati.
манод̣̇ваарз бана ад̇ийд̇аанааг̇ад̇амаараб̣бха уббаж̇ж̇ад̇и. ж̇од̇ибааламаан̣ава(ма. ни. 2.282 аад̣̇аяо) маг̇гхад̣̇зварааж̇а(ма. ни. 2.308 аад̣̇аяо) ган̣хад̇аабасаад̣̇игааласмин̃хи (ж̇аа. 1.10.11 аад̣̇аяо) гад̇ам̣ гааран̣ам̣ ааваж̇ж̇зд̇ваа д̇ат̇ааг̇ад̇о сид̇ам̣ баад̇ваагааси. д̇ам̣ бана буб̣б̣зниваасан̃аан̣асаб̣б̣ан̃н̃уд̇ан̃н̃аан̣аанам̣ гижжам̣. д̇зсам̣ бана д̣̇виннам̣ н̃аан̣аанам̣ жин̣н̣абарияанд̇з ид̣̇ам̣ жид̇д̇ам̣ хаасаяамаанам̣ уббаж̇ж̇ад̇и. анааг̇ад̇з ‘д̇анд̇иссаро муд̣̇ин̇г̇ассаро бажжзгаб̣уд̣̇д̇хо бхависсад̇ий’д̇и сид̇ам̣ баад̇ваагааси. д̇амби анааг̇ад̇ам̣сан̃аан̣асаб̣б̣ан̃н̃уд̇ан̃н̃аан̣аанам̣ гижжам̣. д̇зсам̣ бана д̣̇винна н̃аан̣аанам̣ жин̣н̣абарияанд̇з ид̣̇ам̣ жид̇д̇ам̣ хаасаяамаанам̣ уббаж̇ж̇ад̇и.
Manodvāre pana atītānāgatamārabbha uppajjati. Jotipālamāṇava(ma. ni. 2.282 ādayo) magghadevarāja(ma. ni. 2.308 ādayo) kaṇhatāpasādikālasmiñhi (jā. 1.10.11 ādayo) kataṃ kāraṇaṃ āvajjetvā tathāgato sitaṃ pātvākāsi. Taṃ pana pubbenivāsañāṇasabbaññutaññāṇānaṃ kiccaṃ. Tesaṃ pana dvinnaṃ ñāṇānaṃ ciṇṇapariyante idaṃ cittaṃ hāsayamānaṃ uppajjati. Anāgate ‘tantissaro mudiṅgassaro paccekabuddho bhavissatī’ti sitaṃ pātvākāsi. Tampi anāgataṃsañāṇasabbaññutaññāṇānaṃ kiccaṃ. Tesaṃ pana dvinna ñāṇānaṃ ciṇṇapariyante idaṃ cittaṃ hāsayamānaṃ uppajjati.
нид̣̇д̣̇зсаваарз банасса сзсаахзд̇угажид̇д̇зхи б̣алавад̇арад̇ааяа жид̇д̇згаг̇г̇ад̇аа самаад̇хиб̣алам̣ баабзд̇ваа табид̇аа. вийрияамби вийрияаб̣алам̣ баабзд̇ваа. уд̣̇д̣̇зсаваарз бана ‘самаад̇хиб̣алам̣ ход̇и вийрияаб̣алам̣ ход̇ий’д̇и анааг̇ад̇ад̇д̇аа барибун̣н̣зна б̣аладтзнзд̇ам̣ д̣̇ваяам̣ б̣алам̣ наама на ход̇и. яасмаа бана ‘нзва гусалам̣ наагусалам̣’ д̇асмаа б̣аланд̇и вад̇ваана табид̇ам̣. яасмаа жа на ниббарияааязна б̣алам̣, д̇асмаа сан̇г̇ахаваарзби ‘д̣̇вз б̣алаани хонд̇ий’д̇и на вуд̇д̇ам̣. сзсам̣ саб̣б̣ам̣ соманассасахаг̇ад̇аахзд̇угамановин̃н̃аан̣ад̇хаад̇унид̣̇д̣̇зсз вуд̇д̇анаязнзва взд̣̇ид̇аб̣б̣ам̣.
Niddesavāre panassa sesaahetukacittehi balavataratāya cittekaggatā samādhibalaṃ pāpetvā ṭhapitā. Vīriyampi vīriyabalaṃ pāpetvā. Uddesavāre pana ‘samādhibalaṃ hoti vīriyabalaṃ hotī’ti anāgatattā paripuṇṇena balaṭṭhenetaṃ dvayaṃ balaṃ nāma na hoti. Yasmā pana ‘neva kusalaṃ nākusalaṃ’ tasmā balanti vatvāna ṭhapitaṃ. Yasmā ca na nippariyāyena balaṃ, tasmā saṅgahavārepi ‘dve balāni hontī’ti na vuttaṃ. Sesaṃ sabbaṃ somanassasahagatāhetukamanoviññāṇadhātuniddese vuttanayeneva veditabbaṃ.
574. убзгкаасахаг̇ад̇аад̇и ид̣̇ам̣ жид̇д̇ам̣ д̇ийсу бхавзсу саб̣б̣зсам̣ сажид̇д̇агасад̇д̇аанам̣ саад̇хааран̣ам̣, на гассажи сажид̇д̇агасса нуббаж̇ж̇ад̇и наама. уббаж̇ж̇амаанам̣ бана бан̃жад̣̇ваарз водтаб̣б̣анам̣ ход̇и, манод̣̇ваарз ааваж̇ж̇анам̣. ча асаад̇хааран̣ан̃аан̣ааниби иминаа г̇ахид̇аарамман̣амзва г̇ан̣ханд̇и. махааг̇аж̇ам̣ наамзд̇ам̣ жид̇д̇ам̣; имасса анаарамман̣ам̣ наама над̇т̇и. ‘асаб̣б̣ан̃н̃уд̇ан̃н̃аан̣ам̣ саб̣б̣ан̃н̃уд̇ан̃н̃аан̣аг̇ад̇игам̣ наама гад̇ама’нд̇и вуд̇д̇з ‘ид̣̇а’нд̇и вад̇д̇аб̣б̣ам̣. сзсамзд̇т̇а буримажид̇д̇з вуд̇д̇анаязнзва взд̣̇ид̇аб̣б̣ам̣. гзвалан̃хи д̇ад̇т̇а саббийд̇игад̇д̇аа наван̇г̇иго сан̇каарагканд̇хо вибхад̇д̇о. ид̇ха ниббийд̇игад̇д̇аа адтан̇г̇иго.
574. Upekkhāsahagatāti idaṃ cittaṃ tīsu bhavesu sabbesaṃ sacittakasattānaṃ sādhāraṇaṃ, na kassaci sacittakassa nuppajjati nāma. Uppajjamānaṃ pana pañcadvāre voṭṭhabbanaṃ hoti, manodvāre āvajjanaṃ. Cha asādhāraṇañāṇānipi iminā gahitārammaṇameva gaṇhanti. Mahāgajaṃ nāmetaṃ cittaṃ; imassa anārammaṇaṃ nāma natthi. ‘Asabbaññutaññāṇaṃ sabbaññutaññāṇagatikaṃ nāma katama’nti vutte ‘ida’nti vattabbaṃ. Sesamettha purimacitte vuttanayeneva veditabbaṃ. Kevalañhi tattha sappītikattā navaṅgiko saṅkhārakkhandho vibhatto. Idha nippītikattā aṭṭhaṅgiko.
ид̣̇аани яаани гусалад̇о адта махаажид̇д̇аанзва кийн̣аасавасса уббаж̇ж̇анад̇ааяа гирияаани ж̇аад̇аани, д̇асмаа д̇аани гусаланид̣̇д̣̇зсз вуд̇д̇анаязнзва взд̣̇ид̇аб̣б̣аани.
Idāni yāni kusalato aṭṭha mahācittāneva khīṇāsavassa uppajjanatāya kiriyāni jātāni, tasmā tāni kusalaniddese vuttanayeneva veditabbāni.
ид̇ха тад̇ваа хасанагажид̇д̇аани самод̇хаанзд̇аб̣б̣аани. гад̇и банзд̇аани хонд̇ийд̇и? вужжад̇з д̇зраса. бут̇уж̇ж̇анаа хи гусалад̇о жад̇уухи соманассасахаг̇ад̇зхи, агусалад̇о жад̇уухийд̇и, адтахи жид̇д̇зхи хасанд̇и. сзгкаа гусалад̇о жад̇уухи соманассасахаг̇ад̇зхи, агусалад̇о д̣̇вийхи д̣̇идтиг̇ад̇авиббаяуд̇д̇зхи соманассасахаг̇ад̇зхийд̇и, чахи жид̇д̇зхи хасанд̇и. кийн̣аасаваа гирияад̇о бан̃жахи соманассасахаг̇ад̇зхи хасанд̇ийд̇и.
Idha ṭhatvā hasanakacittāni samodhānetabbāni. Kati panetāni hontīti? Vuccate terasa. Puthujjanā hi kusalato catūhi somanassasahagatehi, akusalato catūhīti, aṭṭhahi cittehi hasanti. Sekkhā kusalato catūhi somanassasahagatehi, akusalato dvīhi diṭṭhigatavippayuttehi somanassasahagatehīti, chahi cittehi hasanti. Khīṇāsavā kiriyato pañcahi somanassasahagatehi hasantīti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / ахзд̇угагирияаааб̣яаагад̇ам̣ • Ahetukakiriyāabyākataṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / гирияамановин̃н̃аан̣ад̇хаад̇ужид̇д̇аван̣н̣анаа • Kiriyamanoviññāṇadhātucittavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / гирияааб̣яаагад̇агат̇ааван̣н̣анаа • Kiriyābyākatakathāvaṇṇanā
