| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. กิงฺกณิปุปฺผิยเตฺถรอปทานํ
3. Kiṅkaṇipupphiyattheraapadānaṃ
๑๐.
10.
‘‘กญฺจนคฺฆิยสงฺกาโส, สพฺพญฺญู โลกนายโก;
‘‘Kañcanagghiyasaṅkāso, sabbaññū lokanāyako;
โอทกํ ทหโมคฺคยฺห, สินายิ โลกนายโกฯ
Odakaṃ dahamoggayha, sināyi lokanāyako.
๑๑.
11.
‘‘ปคฺคยฺห กิงฺกณิํ 1 ปุปฺผํ, วิปสฺสิสฺสาภิโรปยิํ;
‘‘Paggayha kiṅkaṇiṃ 2 pupphaṃ, vipassissābhiropayiṃ;
อุทคฺคจิโตฺต สุมโน, ทฺวิปทินฺทสฺส ตาทิโนฯ
Udaggacitto sumano, dvipadindassa tādino.
๑๒.
12.
‘‘เอกนวุติโต กเปฺป, ยํ ปุปฺผมภิโรปยิํ;
‘‘Ekanavutito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๑๓.
13.
‘‘สตฺตวีสติกปฺปมฺหิ, ราชา ภีมรโถ อหุ;
‘‘Sattavīsatikappamhi, rājā bhīmaratho ahu;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๑๔.
14.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา กิงฺกณิปุปฺผิโย 3 เถโร อิมา คาถาโย อภาสิตฺถาติฯ
Itthaṃ sudaṃ āyasmā kiṅkaṇipupphiyo 4 thero imā gāthāyo abhāsitthāti.
กิงฺกณิปุปฺผิยเตฺถรสฺสาปทานํ ตติยํฯ
Kiṅkaṇipupphiyattherassāpadānaṃ tatiyaṃ.
Footnotes:
