| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३. किङ्कणिपुप्फियत्थेरअपदानं
3. Kiṅkaṇipupphiyattheraapadānaṃ
१०.
10.
‘‘कञ्चनग्घियसङ्कासो, सब्बञ्ञू लोकनायको।
‘‘Kañcanagghiyasaṅkāso, sabbaññū lokanāyako;
ओदकं दहमोग्गय्ह, सिनायि लोकनायको॥
Odakaṃ dahamoggayha, sināyi lokanāyako.
११.
11.
‘‘पग्गय्ह किङ्कणिं 1 पुप्फं, विपस्सिस्साभिरोपयिं।
‘‘Paggayha kiṅkaṇiṃ 2 pupphaṃ, vipassissābhiropayiṃ;
उदग्गचित्तो सुमनो, द्विपदिन्दस्स तादिनो॥
Udaggacitto sumano, dvipadindassa tādino.
१२.
12.
‘‘एकनवुतितो कप्पे, यं पुप्फमभिरोपयिं।
‘‘Ekanavutito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१३.
13.
‘‘सत्तवीसतिकप्पम्हि, राजा भीमरथो अहु।
‘‘Sattavīsatikappamhi, rājā bhīmaratho ahu;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
१४.
14.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा किङ्कणिपुप्फियो 3 थेरो इमा गाथायो अभासित्थाति।
Itthaṃ sudaṃ āyasmā kiṅkaṇipupphiyo 4 thero imā gāthāyo abhāsitthāti.
किङ्कणिपुप्फियत्थेरस्सापदानं ततियं।
Kiṅkaṇipupphiyattherassāpadānaṃ tatiyaṃ.
Footnotes:
