| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๙. กิํสีลสุตฺตํ
9. Kiṃsīlasuttaṃ
๓๒๖.
326.
‘‘กิํสีโล กิํสมาจาโร, กานิ กมฺมานิ พฺรูหยํ;
‘‘Kiṃsīlo kiṃsamācāro, kāni kammāni brūhayaṃ;
นโร สมฺมา นิวิฎฺฐสฺส, อุตฺตมตฺถญฺจ ปาปุเณ’’ฯ
Naro sammā niviṭṭhassa, uttamatthañca pāpuṇe’’.
๓๒๗.
327.
ธมฺมิํ กถํ เอรยิตํ ขณญฺญู, สุเณยฺย สกฺกจฺจ สุภาสิตานิฯ
Dhammiṃ kathaṃ erayitaṃ khaṇaññū, suṇeyya sakkacca subhāsitāni.
๓๒๘.
328.
‘‘กาเลน คเจฺฉ ครูนํ สกาสํ, ถมฺภํ นิรํกตฺวา 5 นิวาตวุตฺติ;
‘‘Kālena gacche garūnaṃ sakāsaṃ, thambhaṃ niraṃkatvā 6 nivātavutti;
อตฺถํ ธมฺมํ สํยมํ พฺรหฺมจริยํ, อนุสฺสเร เจว สมาจเร จฯ
Atthaṃ dhammaṃ saṃyamaṃ brahmacariyaṃ, anussare ceva samācare ca.
๓๒๙.
329.
‘‘ธมฺมาราโม ธมฺมรโต, ธเมฺม ฐิโต ธมฺมวินิจฺฉยญฺญู;
‘‘Dhammārāmo dhammarato, dhamme ṭhito dhammavinicchayaññū;
เนวาจเร ธมฺมสโนฺทสวาทํ, ตเจฺฉหิ นีเยถ สุภาสิเตหิฯ
Nevācare dhammasandosavādaṃ, tacchehi nīyetha subhāsitehi.
๓๓๐.
330.
‘‘หสฺสํ ชปฺปํ ปริเทวํ ปโทสํ, มายากตํ กุหนํ คิทฺธิ มานํ;
‘‘Hassaṃ jappaṃ paridevaṃ padosaṃ, māyākataṃ kuhanaṃ giddhi mānaṃ;
สารมฺภํ กกฺกสํ กสาวญฺจ มุจฺฉํ 7, หิตฺวา จเร วีตมโท ฐิตโตฺตฯ
Sārambhaṃ kakkasaṃ kasāvañca mucchaṃ 8, hitvā care vītamado ṭhitatto.
๓๓๑.
331.
‘‘วิญฺญาตสารานิ สุภาสิตานิ, สุตญฺจ วิญฺญาตสมาธิสารํ;
‘‘Viññātasārāni subhāsitāni, sutañca viññātasamādhisāraṃ;
น ตสฺส ปญฺญา จ สุตญฺจ วฑฺฒติ, โย สาหโส โหติ นโร ปมโตฺตฯ
Na tassa paññā ca sutañca vaḍḍhati, yo sāhaso hoti naro pamatto.
๓๓๒.
332.
‘‘ธเมฺม จ เย อริยปเวทิเต รตา,
‘‘Dhamme ca ye ariyapavedite ratā,
อนุตฺตรา เต วจสา มนสา กมฺมุนา จ;
Anuttarā te vacasā manasā kammunā ca;
เต สนฺติโสรจฺจสมาธิสณฺฐิตา,
Te santisoraccasamādhisaṇṭhitā,
สุตสฺส ปญฺญาย จ สารมชฺฌคู’’ติฯ
Sutassa paññāya ca sāramajjhagū’’ti.
กิํสีลสุตฺตํ นวมํ นิฎฺฐิตํฯ
Kiṃsīlasuttaṃ navamaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๙. กิํสีลสุตฺตวณฺณนา • 9. Kiṃsīlasuttavaṇṇanā
